"Azercell" rouminq qiymətlərini yenidən endirdi

Gürcüstandan telefon danışığı Azercell Telecom abunəçilərinə 47 qəpiyə başa gələcək.

Azercell Telecom abunəçilərin marağını nəzərə alıb rouminqdə güzəştlər edib.

Mayın 21-dən İndi "Azercell" abunəçiləri Rusiya, Türkiyə və Almaniyada olarkən bütün istiqamətlərə danışıqlar üçün cəmi 90 qəpik ödəyəcəklər. Gürcüstanda səfərdə olan abunəçilərin danışıq haqqı isə 1 dəqiqə üçün 47 qəpik tarifi ilə hesablanacaq.

Məlumat üçün bildirək ki, "Azercell Telekom" 1 yanvar 2014-cü il tarixindən etibarən beynəlxalq zənglər üçün vahid və əhəmiyyətli dərəcədə aşağı olan yeni tarif tətbiq edib. İndi "Azercell" abunəçiləri bütün beynəlxalq zənglərə görə cəmi 32 qəpik ödəyirlər. Eyni zamanda, şənbə, bazar və bayram günlərində (gün ərzində) və istənilən gün saat 00:00-dan 08:00-a qədər edilən beynəlxalq zənglərə əlavə 25% endirim tətbiq olunur.

Bu müddət ərzində abunəçilər beynəlxalq zənglərin bir dəqiqəsinə yalnız 24 qəpik ödəməklə Azercell-in verdiyi bu üstünlükdən yararlana bilərlər. Bu xidmət zamanı Azercell-lilər yalnız saniyə hesabı danışıq haqqını ödəyirlər.

Qeyd edək ki, indiyə kimi "Azercell Telekom" MMC 159 ölkənin mobil rabitə operatorları ilə 444 rouminq sazişi bağlayıb. --17D—