«AzerGold» QSC İdarə Heyətinə sədr təyin edilib

Mayın 26-da prezident İlham Əliyev Zakir Zaur oğlu İbrahimovu  “AzerGold” QSC İdarə Heyətinin sədri təyin edib.

Bundan öncə Z.İbrahimov “Təmiz Şəhər” dövlət SC-də həmin vəzifəni tutub. SC Bakıda məişət tullantılarını idarə edir və zərərlə işləyir.

 “AzerGold” QSC 2015-ci il fevralın 11-də təsis edilib. SC-nin nizamnaməsi və strukturu bu il mayın 11-də təsdiqlənib.

Nizamnaməyə görə, SC İdarə Heyətinin 5 üzvü var. Onlar vəzifəyə dövlət başçısı tərəfindən təyin olunurlar. İdarə Heyətinin  digər üzvlərinin təyinatları haqda açıqlama verilmir.

 “AzerGold”  QSC əlvan metal filizləri yataqlarının öyrənilməsi, tədqiqatı, kəşfiyyatı, mənimsənilməsi və onların idarə olunması, bu sahədə yeni texnologiyaların tətbiqi, maddi-texniki bazanın modernləşdirilməsi və onun rasional istifadəsini həyata keçirir, həmçinin bu sahənin inkişafı ilə bağlı başqa işləri yerinə yetirir.

Mayın 25-də prezident Daşkəsən rayonunda yerləşən qızıl yataqlarının idarəçiliyə verilməsi haqda sərəncam imzalayıb. Bundan öncə həmin yataqlar xarici şirkətlərin istifadəsində idi.08D