Azmeco Londonda $ 1 mlrd. həcmində istiqraz buraxmağı planlaşdırır

Böyük Britaniyanın   PRNewswire agentliyinin yaydığı məlumata görə, Azərbaycanın aparıcı özəl neft-kimya müəssisələrindən biri olan Azmeco metanol şirkəti çərşənbə günü bəyan edib ki, Londonda istiqraz buraxılşı yoluyla $ 1 mlrd. cəlb etməyi planlaşdırır.

Şirkətin qiymətli kağızları investorlar tərəfindən fərdi qaydada təklif ediləcək, lakin London fond birjasında açıq hərraca da çıxarıla bilər.

Qeyd edək ki, bu məlumat şirkətin sahibi Nizami Piriyevin Bakıda saxlanmasından və ona qarşı dələduzluq ittihamı ilə cinayət işinin açılmasından bir gün sonra yayılıb. N. Piriyev Beynəlxalq Banka kreditlərini qaytarmadığına görə həbs olunan oliqarxlardan biridir.

  Azmeco sahibinin oğlu, şirkətin baş direktoru Nəsib Piriyev bildirib ki, şirkətin yenidən maliyyələşdirilməsi üçün beynəlxalq investorlarla danışıqlar aparılır.

  “Londonda əldə olunan vəsait biznesin dəstəklənməsinə və bizim Azərbaycan Beynəlxalq Bankına olan kredit borcunun ödənilməsinə yönələcək”, - o bildirib və qeyd edib ki, Beynəlxalq Bankın dəstəyi Azmeco-nun uğurları üçün həlledici əhəmiyyət daşıyıb.

*Azmeco regionda metanol istehsal edən böyük müəssisədir və onun 700 min ton gücündə zavodu 2014-cü ildə Bakının yaxınlığında istismara verilib. Zavod fəaliyyət göstərdiyi vaxtdan 180 000 ton metanol istehsal edib ki, bu da qonşu ölkələrə satılır.-02В-