Bakı/23.06.17/Turan: Bu il iyunun 26-dan Bakı-Batumi avtobus reysi fəaliyyətə başlayacaq. Avtobuslar həftənin bazar ertəsi, çərşənbə və cümə günləri Baklıdan yola düşəcək. Bu barədə Bakı Beynəlxalq Avtovağzalı məlumat yayıb.
Avtobuslar Bakıdan saat 18:00-da yola düşəcək və növbəti gün saat 09:00-da Batumiyə çatacaq. Biletin qiyməti 40 manatdır. 5 yaşına qədər uşaqlara bilet pulsuz, 5 yaşından 10 yaşına qədər uşaqlar üçün isə bilet 50% güzəştlə satılır.
Avtobuslar kondisioner və "wi-fi" sistemi ilə təchiz olunub.
Gələcəkdə sərnişin sıxlığı çox olduğu təqdirdə avtobusların hər gün reysə çıxması imkanları nəzərdən keçirilə bilər. -0-
İqtisadiyyat
-
Azərbaycan hökuməti OPEC Fonduna bir sıra bərpa olunan enerji layihələrinin, o cümlədən dəniz külək enerjisinin inkişafı, "yaşıl enerji dəhlizi" təşəbbüsləri və SOCAR-ın Birləşmiş Ərəb Əmirliklərindən Masdar şirkəti ilə birgə həyata keçirməyi planlaşdırdığı 1 QVt gücündə layihənin maliyyələşdirilməsində iştirak etməyi təklif edib.
-
14 noyabr tarixində keçirilən COP29 tədbirində "Cənubi Qafqaz və Mərkəzi Asiyada İqlim Maliyyələşdirilməsi Mənzərəsi" mövzusunda çıxış edən Dünya Bankının Cənubi Qafqaz üzrə regional direktoru Roland Prays, Cənubi Qafqaz ölkələrinin üzləşdiyi əhəmiyyətli iqtisadi və ekoloji zərərləri vurğuladı və bu rəqəmi illik təxminən 100 milyon ABŞ dolları həcmində dəyərləndirdi.
-
SOCAR-ın törəmə müəssisəsi olan SOCAR Green, COP29 sammitində Azərbaycanda bərpa olunan enerji mənbələrinin inkişafını gücləndirmək, enerji səmərəliliyini artırmaq və dayanıqlı inkişafı təşviq etmək məqsədilə bir sıra sazişlər imzalayıb.
-
İslam İnkişaf Bankı (İİB) iqlim dəyişikliyi ilə mübarizədə islam bankçılıq resurslarının səfərbər edilməsini gücləndirir. Bu barədə cümə axşamı COP29 çərçivəsində keçirilən dəyirmi masada İİB prezidenti Məhəmməd Süleyman Əl-Cəssər bildirib.
Rəy yaz