1 oktyabr 2009-cu ildə Mənzil Məcəlləsi qüvvəyə minəndən ilk dəfə Mənzil Mülkiyyətçiləri Müştərək Cəmiyyəti (MMMC) dövlət qeydiyyatına alınıb. Azərbaycanda yaşayış binalarını sovet dövründə olduğu kimi mənzil-istismar idarələri istismar edir.
İqtisadiyyat və Sənaye Nazirliyində Turan-a deyiblər ki, Binəqədi rayonunun S.S.Axundov 4, İ.Dadaşov 90 və 91a ünvanlarındakı 3 binada Azərbaycanda ilk dəfə olaraq Mənzil Mülkiyyətçiləri Müştərək Cəmiyyəti (MMMC) dövlət qeydiyyat orqanında “Binəqədi-1” MMMC adı ilə qeydiyyata alınıb. Bakı şəhəri, Yasamal rayonu, H.Zərdabi küçəsi, 89A ünvanında yerləşən MMMC-nin sənədləri hazırlanaraq qeydiyyat orqanına təqdim olunub.
Həmçinin S.Rəhman küçəsi, 45 ünvanında yerləşən yeni tikilmiş binanın sahə mülkiyyətçilərinin ümumi yığıncağının qərarına əsasən həmin binanın saxlanması, abadlaşdırılması və idarə olunması məsələləri müqavilə əsasında idarəetməyə verilib.
Hazırda, Binəqədi, Yasamal, Səbail və Nərimanov rayonlarında 21 çoxmənzilli binada Mənzil Məcəlləsindən irəli gələn yeni idarəetmə üsullarının tətbiqi ilə əlaqədar sakinlərlə mütəmadi olaraq görüşlər keçirilir və onlara normativ hüquqi və təşkilati məsələlərdə müvafiq köməklik göstərilir.
Qeyd edək ki, bu sahədə idarəetmə prosesinin daha əhatəli və mükəmməl təşkili məqsədilə beynəlxalq təcrübənin öyrənilməsi və tətbiqi məqsədilə hazırda Avropa ittifaqının maliyyə dəstəyi əsasında “Azərbaycanda mənzil kommunal sahəsində islahatlara dəstək” layihəsi də həyata keçirilir.
Mənzil Məcəlləsinə əsasən, çoxmənzilli binaların idarəetmə orqanı sakinlərin ümumi yığıncağıdır.
Dövlət binaların fasadının və damlarının düzəldilməsi üçün dövlət büdcəsindən çoxlu vəsait ayırır. Yaşayış binalarına xidmət üzrə rəmzi ödəniş təyin edilib (1 m2 üçün 0,02 manat. Xərclər böyük olduğu üçün sakinlər binanın idarə edilməsi təşəbbüsü göstərmir.
Qanunvericiliyə əsasən, bunun üçün bələdiyyələr vətəndaşları təşviq etməlidir. Amma ölkədə bələdiyyələr mənzil fonudunun idarə edilməsi üzrə yetərli təşkilati və maliyyə bazasına malik deyil. Ona görə işi İSN koordonasiya edir. 08B
İqtisadiyyat
-
Elon Musk, ABŞ Dövlət İdarəetməsinin Effektivliyi Departamentinin (DOGE) həmsədri olaraq, 2026-cı ilə qədər federal xərclərin aqressiv şəkildə azaldılması yolu ilə ABŞ-da inflyasiyanı sıfıra endirmək üçün strategiya irəli sürüb. Muskın planı, proqnozlaşdırılan gündəlik xərcləri təxminən 4 milyard dollar azaltmağı hədəfləyir və 2026-cı ilə qədər federal büdcə kəsirini 1 trilyon dollara qədər endirməyi nəzərdə tutur. Kəsir hələ də böyük olsa da, Musk hesab edir ki, sürətləndirilmiş iqtisadi artım inflyasiya təzyiqlərini kompensasiya edərək iqtisadiyyatı sabitləşdirə bilər.
-
Azərbaycan Dövlət Neft Şirkəti (SOCAR) Aralıq dənizinin ən iri dəniz yataqlarından biri olan Tamar qaz yatağında 10% pay əldə etmək üçün Union Energy ilə müqavilə imzalayıb, şirkət çərşənbə günü bəyanatında bildirib.
-
Yanvarın 30-da Azərbaycan Prezidenti İlham Əliyev “Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025–2030-cu illər üçün Dövlət Proqramını” təsdiqləyən sərəncam imzalayıb. Bu proqram paytaxtın nəqliyyat sistemini modernləşdirməyi və tıxacları azaltmağı hədəfləyir, prezidentin mətbuat xidməti çərşənbə axşamı bildirib.
-
Goldman Sachs neft qiymətləri ilə bağlı proqnozlarını yenidən nəzərdən keçirib və 2025 və 2026-cı illər üçün Brent və Azeri Light markalı neftin qiymət proqnozlarını hər barel üçün 2 dollar artıraraq 78 dollar səviyyəsinə çatdırıb. Bu düzəliş, ABŞ sanksiyalarının Rusiyanın neft hasilatına təsiri və İran neft ixracına qarşı mümkün gələcək məhdudiyyətlər daxil olmaqla, geosiyasi risklərdən qaynaqlanan daha sərt təchizat şərtləri gözləntilərini əks etdirir.
Rəy yaz