Dünən prezident İlham Əliyevin iştirakı ilə Qaradağ rayonunda tikilmiş Bakı Gəmiqayırma Zavodunun açılışı olub.
Zavodun səhmdarları SOCAR (65%), Sinqapurun Keppel Offshore & Marine (10%) şirkəti və Azərbaycan İnvestisiya Şirkətidir (25%).
Bu müəssisə Xəzər dənizi hövzəsində ən böyük gəmiqayırma zavodudur. Onun istehsal gücü ildə 25 min ton metal konstruksiya təşkil edir, deyə SOCAR prezidenti Rövnəq Abdullayev bildirib.
Müəssisə hər il 15 min ton yükqaldırma qabiliyyəti olan dörd tanker və ya 70 min ton yükqaldırma qabiliyyəti olan iki tanker, platformaların təchizatı üzrə dörd gəmi istehsal etmək, müxtəlif təyinatlı 80-100 gəmini təmir etmək iqtidarındadır. Müəssisədə 50 ton yükqaldırma qabiliyyəti olan iki yedək tikilmişdir.
İlkin olaraq zavodda 1250 nəfər işləyəcək, gələcəkdə işçilərin sayını 2000-ə çatdırmaq nəzərdə tutulmuşdur. -06D-
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz