A.Quliyev: Mitinqə hazırlıqlar tam başa çatıb

Demokartik Qüvvələrin Milli Şurasının 22 sentyabr mitinqinə hazırlıqlar tam başa çatıb. Bu haqda Turan-a Şuranın Mitinq Komitəsinin təmsilçisi Asəf Quliyev bildirib.

O deyib ki, Şuranın prezidentliyə vahid namizədi Cəmil Həsənlinin təbliği-təşviqilə bağlı materiallar, mitinqdə təbliğ məqsədilə asılacaq iri həcmli plakat artıq hazırdır. A.Quliyev texniki məsələlərin tam şəkildə həll olunduğunu birmənalı bəyan edub. 

Onun sözlərinə görə, 22 sentyabr mitinqi formasına görə də əvvəlki mitinqlərdən fərqli nəzərdə tutulur. Bu mitinqin müxalifət qüvvələrinin ənənəvi etiraz mitinqi formatında deyil, prezidentliyə namizədin təbliğ-təşvqinin təşkili, seçicilərilə görüşü formatında olacağı bildirilib. Şüarların hamısının da seçkilərin azad, ədalətli keçirilməsi ilə bağlı olacağı vurğulanıb.

A.Quliyev aksiyaya 20 minə yaxın seçicinin qatılacağını söyləyib. Bu rəqəmi Mitinq Komitəsinin hesablamaları,  C.Həsənlinin  “İctimai” TV-dəki debatlarda çıxışlarının yaratdığı ictimai ovqata əsasən söylədiklərini bildirib. 

Digər tərəfdən, həm prezidentliyə namizəd C.Həsənıli seçicilərini aksiyaya dəvət edib, həm gənclərdən ibarət qruplar Bakıda vətəndaşlara mitinqə dəvət vərəqələri paylayır, həm də sosial şəbəkələrdəki qruplar insanları mitiniqə dəvət edirlər.

Mitinqin aparıcısı AXCP sədrinin müavini Sahib Kərimli olacaq. -05B-