Baku Steel Company-nin ekspansiyası sərhədi keçdi
“Baku Steel Company”(BSC) poladəritmə şirkəti Azərbaycanda polad prokatı bazarını nəzarətə alandan sonra ölkə hüdudlarından kənarda ekspansiyaya başlayıb. Şirkətin rəhbərliyi iyulun 22-də üç ölkədə irimiqyaslı planlarından danışıb.
Şirkət Füceyrə (BƏƏ) metallurgiya zavodunda tikinti-quraşdırma işlərini başa çatdırıb. Müəssisənin istehsal gücü ildə 1 mln tondur. Aktauda Caspian Steel poladəritmə müəssisəsi yenidən qurulub. Üçüncü layihə isə İranda metallurgiya kompleksi tikintisidir. Bu ölkənin hökumət strukturları ilə danışıqlar BSC rəhbərliyini qane edib. İrandakı metallurgiya kompleksi filizin məhsul istehsalına qədər saflaşdırılmasını nəzərdə tutur.
BSC-nin Bakıdakı poladəritmə zavodunun yenidənqurulması başa çatıb. 2011-2014-cü illərdə bu məqsədlə 200 mln manat investisiya qoyulub.
2001-ci ildə istismara veriləndən 3,5 mln ton məhsul istehsal edilib. Bunun 1 mln tonu ixrac olunub.
“Baku Steel Company” MMC-nin nizamnamə kapitalı Bakıdakı 3 şirkətdə pay iştirakı hesabına formalaşıb. Hüquqi şəxslərin beynəlxalq reyestrinə əsasən, “Baku Steel Company ltd” Men adasında hüquqi şəxsdir. İllik istehsal gücü 1 mln ton olan nəhəngə kimin nəzarət etdiyi naməlumdur. --08D—
-
- Analitika
- 24 İyul 2014 11:27
İqtisadiyyat
-
Şimal-Cənub beynəlxalq nəqliyyat marşrutunun əhəmiyyətli inkişafı çərçivəsində 2024-cü ilin iyununda Azərbaycanı İranla birləşdirəcək Rəşt-Astara dəmir yolu hissəsində geoloji kəşfiyyat işlərinə başlanması planlaşdırılır. TASS-ın xəbərinə görə, bu bəyanatı “Rusiya - İslam dünyası: Kazanforum 2024” mövzusunda XV Beynəlxalq İqtisadi Forum çərçivəsində Rusiya Federasiyasının nəqliyyat nazirinin müavini Dmitri Zverev bildirib.
-
Azərbaycanın neft gəlirləri azalmaqdadır.Bu il Azərbaycan Dövlət Neft Fondunun (ADNF) neft satışından təqribən 5 milyard dollar əldə edəcəyi proqnozlaşdırılır. Son 17 ildə “Azəri”, “Çıraq”, “Günəşli” yataqlar blokundan (AÇG) dövlətin mənfəət şəklində əldə etdiyi ən aşağı qazanc 2020-ci ildə - 3,52 milyard dollar olmuşdu. Amma 2022-ci ildə neft gəlirdi təqribən 10 milyard dollara yüksəldi ( neftin yenidən bahalaşması ilə). Ötən il bu gəlir 6 milyarddan bir qədər çox olub.
-
Beynəlxalq Maliyyə Korporasiyasının (BMK) Azərbaycandakı nümayəndəsi Aliyə Əzimova “Ambisiyaların artırılması və stimullaşdırıcı fəaliyyət: COP29 Davamlı Biznes Forumu”nda çıxışı zamanı təşkilatın iqlim dəyişikliyi ilə mübarizəyə yeni diqqət yetirməsindən danışıb.
-
Azərbaycan istixana qazları tullantılarını azaltmaq və iqtisadiyyatını davamlı inkişafa doğru irəliləmək üçün iddialı planlar açıqlayıb. Bunu ekologiya və təbii sərvətlər naziri Muxtar Babayev “Artan ambisiyalar və fəaliyyət üçün stimullar: COPL-29 Davamlı Biznes Forumu” adlı mötəbər forumda çıxışı zamanı deyib.
Rəy yaz