«Baku Steel Company» MMC 2012-ci ilin ikinci yarısında bazardan bütün tikinti prokatı istehsalçılarını sıxışdırandan sonra tikinti prokatı istehsalına başlayır. Yaxın vaxtlarda Dərnəgüldə künclük, şveller, ikitavr və katanka istehsalına başlanacaq.
BSC-də Turan-a bildiriblər ki, müəssisə ildə 150 min ton metal prokatı istehsalını planlaşdırır. Beləliklə, müəssisənin gücü 500 min tona çatacaq. Müəssisənin 3-32 mm və 6-12 m uzunluğunda 350 min ton tikinti armaturu istehsalı imkanı var. BSC nominal olaraq “Bakı Poladtökmə” ASC-ni idarə edir. «DHT Metal» MMC də BSC-yə məxsusdur.
Baku Steel Company MMC 2001-ci ilin mayından fəaliyyət göstərir. Müəssisədə 3600 nəfər işçi çalışır. Bakı və Gəncədə yeni metallurgiya müəssisələri tikməyi planlaşdırır. Digər metallurgiya müəssisələrinə qarşı aqressiv siyasət yürüdür və ölkənin biznes dairələrində mənfi imicə malikdir. 08B
İqtisadiyyat
-
Qazaxıstanın energetika naziri Almasadam Satkaliev bazar ertəsi bildirib ki, Qazaxıstan və Azərbaycan 2022-ci ilin yazından dayanan Bakı-Supsa neft kəməri ilə Qazaxıstan neftinin nəqli imkanlarını müzakirə etməkdə davam edir, bu barədə Qazaxıstan KİV-ləri məlumat verib.
-
Azərbaycan qazının Şimali Makedoniyaya tədarükü orta müddətli perspektivdə müntəzəm xarakter alacaq, - Turan xəbər agentliyinə məlumatlı mənbə bildirib.
-
Azərbaycanda gələn il minimum istehlak səbətinin tərkibinə yenidən baxıla bilər. Bu barədə Milli Məclisin komitələrinin birgə iclasında bildirilib. Sonuncu dəfə istehlak səbətində dəyişiklik 10 il əvvəl edilib. Ancaq keçən bu 10 il ərzində ölkədə inflyasiya artıb, yaşayış minimumunun məbləği da dəyişib. Üstəlik, bəzi ekspertlərin fikrincə, Azərbaycanda tətbiq olunan minimum istehlak səbətində ciddi dəyişikliklər olunmalıdır. Bəzi mal və məhsullar əlavə edilməlidir.
-
2025-ci il üçün Azərbaycanın dövlət büdcəsi layihəsi iqtisadi artım, sosial inkişaf və azad edilmiş ərazilərin bərpası da daxil olmaqla, Prezident İlham Əliyevin müəyyən etdiyi strateji məqsədləri prioritet kimi qəbul edir. Bu barədə bazar ertəsi keçirilən parlament iclasında yüksək səviyyəli rəsmilər məlumat veriblər.
Rəy yaz