İsveçrə Azərbaycanla iqtisadi əməkdaşlıqda maraqlıdır. Hər iki ölkənin bunun üçün potensialı var. Bunu aprelin 12-də iqtisadi inkişaf naziri Şahin Mustafayevlə görüşdə Azərbaycanda səfərdə olan İsveçrənin Federal müşaviri, İqtisadi Məsələlər, Təhsil və Tədqiqatlar üzrə Federal Departamentin rəhbəri Yohan Şnayder-Amman bildirib.
İİN-in mətbuat xidməti məlumat verir ki, isveçrəli nazir iş adamlarını bu potensialdan yararlanmaqla işgüzar əlaqələri daha da genişləndirməyə dəvət edib.
İİN rəhbəri isə ticarət və iqtisadi əməkdaşlıq üzrə Birgə Komissiyanın rolundan danışıb. Bu münasibətlər üçün hüquqi əsas da var: 29-dan çox dövlətlərarası saziş imzalanıb.
Azərbaycanda İsveçrə kapitallı 70-dən çox şirkət qeydiyyata alınıb. Bu şirkətlər Azərbaycan iqtisadiyyatına 877 mln ABŞ dolları həcmində investisiya yatırıb. Onların arasında “Holcim” xüsusi yer tutur. Azərbaycan şirkətləri də İsveçrə iqtisadiyyatına maraq göstərir. ARDNŞ bu ölkəyə 380 mln İsveçrə frankı vəsait qoyub. İki ölkə arasında əmtəə dövriyyəsi ilin ilk 2 ayında 2,9 dəfə artıb, deyə Şahin Mustafayev bildirib.
Gömrük Komitəsinin məlumatına görə, 2012-ci ildə Azərbaycanla İsveçrə arasında əmtəə dövriyyəsi 40% azalaraq $215 mln olub. Azərbaycanın bu ölkə ilə əmtəə dövriyyəsində $51 mln mənfi saldo var. 08D
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz