Bank əmanətlərinin 92,3%-i Bakı sakinlərinindir

Bakı sakinləri bank əmanətləri üzrə liderdir. AMB-nin hesabatına əsasən, 1 aprel 2015-ci il tarixinə bankların əmanətlər üzrə portfeli 7 mlrd 782 mlrd manat təşkil edib. Bunun 7 mlrd 184 mln 492,8 min manatı

(92,3%) Bakı sakinlərindən cəlb edilib.

Bakıda əhalidən əmanətlər orta illik hesabla 8,2%-lə qəbul edilib, respublika üzrə bu göstərici 8,1% təşkil edib.

Devalvasiya və hökumətə etibar olmaması ilə bağlı xarici valyuta ilə əmanətlər 83,9% artaraq 4 mlrd 840 mln 292,7 min manat (paytaxt əmanətlərinin 67,4%-i) olub. Manatla əmanətlər I rübdə 41,6% azalaraq 2 mlrd 344 mln 200,1 min manat olub.

Bankların siyasəti də buna təsir edib – dollar və avro ilə əmanətlər 8,5%, manat əmanətləri 7,6%-lə qəbul edilib.

1 aprel 2015-ci il tarixinə Azərbaycanın regionlarında banklar əhalidən 597 mln 152,5 min manat məbləğində əmanət cəlb edib, bu isə ilin əvvəlinə olan göstəricidən 10,5% çoxdur.

Regionlarda daha çox Abşeron iqtisadi rayonunun əhalisi pullarını banklarda saxlamağa üstünlük verir. Abşeron iqtisadi rayonundakı banklarda əhalinin əmanətləri orta illik hesabla 8,7% dərəcəsi ilə 194 mln 528,4 min manat təşkil edir.--17D—