Bank of Baku devalvasiya günü müştərilərin tranzaksiyasına görə fərqi ödəyir

«Bank of Baku» ASC məzənnənin dəyişməsi nəticəsində əlavə silinmiş məbləğləri geri qaytarır.

Bankdan verilən məlumata görə, 2581 tranzaksiya müştərilərə geri qaytarılıb, onların mobil telefonlarına bu barədə SMS göndərilib. Xatırladaq ki, xarici valyutalar ilə 21 fevraldan əvvəl plastik kartlarla ödəniş edən lakin bankların hesablaşması 21 fevraldan sonra olan müştərilərin borclanmasında məzənnəyə görə təbii artım yaranıb. «Bankın ticarət müəssisəsini xidmət edən tərəfdaşla hesablaşdığı günün məzənnəsinə uyğun olaraq hesablaşıb. Müştərilərinə daim dəyər verən, onların məmnuniyyətini üstün tutan Bank of Baku çoxsaylı müraciətləri nəzərə alaraq bu fərqləri öz hesabına geri qaytardı», - deyə məlumatda bildirilir.

İzahatda deyilir ki, Bütün beynəlxalq ödəmə kartlarının şərtlərinə əsasən, müştərilərlə hesablaşma, Bankın ticarət müəssisəsini xidmət edən Bankla hesablaşdığı günün məzənnəsinə uyğun olaraq, banka göndərilən maliyyə məktubu əsasında aparılır. Yəni, müştəri ödəniş etdiyi gün ödənişi özünün xidmət olunduğu bank tərəfindən qəbul edilsə də, Bank xarici Bankla hesablaşmaq üçün maliyyə məktubunu gözləyir. Bu məktub 45 günədək göndərilə bilər və göndərildiyi günün məzənnəsinə uyğun hesablaşma aparılmalıdır. Bu dünya təcrübəsidir və bütün bankların plastik kartları ilə əməliyyatlar eyni qaydada aparılır. --17D—