Bank Respublika "Bir kredit-Bir bank" adlı yeni kredit məhsulunu təklif edir

Bank Respublika ödəniş cədvəllərinə nəzarət etmək və bank ofislərinə ayda bir neçə dəfə getmək məcburiyyətində qalan müştərilər üçün "Bir kredit-Bir bank" adlı yeni kredit məhsulunu təklif edir. 

Yeni kredit bir neçə krediti bir yerə yığacaq. Bu kredit digər banklara olan borcları ödəmək və daha əlverişli faiz dərəcəsi ilə, iş yerindən arayış tələb olunmadan, müxtəlif ehtiyaclar üçün əlavə vəsait əldə etmək imkanını yaradılacaq. Bu kredit bir bankda bir neçə krediti ödəmək üçün də verilə bilər. 

Kreditin maksimal məbləği 10,000 AZN, müddəti isə 36 ay təşkil edir. 3000 AZN-dək olan kreditlər zaminsiz verilir. "Bir kredit - Bir Bank" krediti komissiyasız və illik 27% dərəcəsi ilə verilir. 

"Bir Kredit - Bir Bank" məhsulundan istifadə edərkən, müştərilər götürdükləri kredit məbləğinin 20% miqdarında, güzəşt müddəti 45 gün olmaqla kredit kartını da əldə edir. Bu krediti almaq üçün cari kreditlərdən hər hansı üzrə minimal müsbət kredit tarixçəsi ən azı 6 ay olmalıdır və digər kreditlər üzrə ümumiyyətlə gecikmələr olmamalıdır.

Bu kreditin digər mühüm üstünlüyü kredit borclarını onlayn, bankın saytı, MobilBank və ya geniş bankomat şəbəkəsi vasitəsilə ödəmək imkanıdır. 

Əlavə məlumat üçün: http://www.bankrespublika.az/ru/individual-clients/loans/1-credit-1-bank/.--15D--