Əmlak Məsələləri Dövlət Komitəsi Bakıda inzibati bina tikintisi üçün 86 106,0 min manatlıq saziş imzalayıb. Qurumun mətbuat xidmətində Turan-a bildiriblər ki, bu binada təşkilatın strukturuna daxil olan və tabeliyində olan bütün strukturlar yerləşəcək.
Tikintini az tanınan “SMTS” MMC şirkəti aparacaq. Obyekt zəruri avadanlıqla təchiz ediləcək və abadlıq işləri aparıldıqdan sonra “açar təslimi” ilə təhvil veriləcək. Bu şirkətin əvvəlki layihələri barədə məlumat yoxdur. Nizamnamə kapitalı 20 manat olan şirkət 2011-ci ilin sentyabrında yaradılıb.
Bundan öncə ƏMDK layihə-smeta hazırlanmasını Avstriyanın HOFFMANN-JANZ Ziviltechniker GmbH" şirkətinə həvalə edib. Bu işlər büdcəyə 4 mln 532,8 min manata başa gəlib.
Hoffmann-Janz ZT GmbH bundan əvvəl Milli Parkda Xalça muzeyinin tikintisinin podratçısı olub.
ƏMDK aparatı Y.Səfərov küçəsində 9 mərtəbəli binada yerləşir, strukturları paytaxta səpələnib. ƏMDK strukturuna Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidməti, Hərracların Təşkili üzrə Auksion Mərkəzi daxildir. Bunların 411 ştatlı işçisi var. Daşınmaz Əmlakın Kadastrı və Texniki İnventarlaşdırma Mərkəzi, İnformasiya Texnologiyaları və Məlumat İdarəetmə Mərkəzi Əmlak Məsələləri Dövlət
Komitəsinin tabeliyindədir. 08D
İqtisadiyyat
-
Azərbaycan və İran Şərqi Zəngəzur İqtisadi Rayonu ilə Naxçıvan Muxtar Respublikasını birləşdirəcək strateji dəmir yolu xəttinin tikintisini aktiv şəkildə müzakirə edirlər. Bu barədə Azərbaycan Dəmir Yolları QSC-nin sədri Rövşən Rüstəmov məlumat verib. Rüstəmov bu danışıqların detalları barədə İrana etdiyi son səfəri zamanı danışıb, burada İran Dəmir Yolları Administrasiyasının rəhbəri Cabbar Əli Zəkəri Sədrrodi ilə görüşüb.
-
Azərbaycanın işğaldan azad edilmiş ərazilərindəki kənd təsərrüfatı təyinatlı torpaqlar sahibkarlıq subyektlərinə investisiya müsabiqələri vasitəsilə icarəyə verilə bilər. Bu, "Torpaq icarəsi haqqında" Qanuna təklif olunan əlavə və dəyişikliklərlə bağlı qanun layihəsində öz əksini tapıb. Sənəd Milli Məclisin Aqrar siyasəti komitəsinin oktyabrın 14-də keçirilən iclasında müzakirə edilib.
-
Dövlət Statistika Komitəsinin yaydığı ilkin məlumatlara görə, cari ilin 1 oktyabr tarixinə olan məlumata əsasən, Azərbaycanın iqtisadi fəal əhalisinin sayı 5,304 milyon nəfər təşkil edib, onlardan 5,021 milyon nəfəri məşğul olub. Bu rəqəmlər Azərbaycanda nisbətən dayanıqlı əmək bazarını vurğulayır.
-
Azərbaycan 2024-cü ilin ilk doqquz ayında nominal gəlirlərdə təvazökar, lakin sabit artım müşahidə edib, gəlirlər 2023-cü ilin eyni dövrü ilə müqayisədə 6.1% artıb. Bu artım əhalinin ümumi nominal gəlirini 61.587 milyard manat həddinə çatdırıb, hər adama orta hesabla 6039.2 manat düşüb. Bu barədə Dövlət Statistika Komitəsi məlumat yayıb.
Rəy yaz