Bank Technique-nın növbəti innovasiyası

“Bank Technique” ASC müştərilərə bankomat və ya “Şəxsi Kabinet” funksiyası vasitəsilə hesaba mədaxil imkanı yaradıb. 

"AzeriCard" prosessinq mərkəzinin məlumatında deyilir ki, artıq hesablara vəsaitlərin mədaxil olunması üçün Banka gəlməyə ehtiyac yoxdur. İndi “Bank Technique”də xidmət olunan hesablara ödəniş (plastik) kartına sahib olan istənilən şəxs bankomatlar (ATM) və ya online.banktechnique.az saytındakı “Şəxsi Kabinet” funksiyası vasitəsilə pul mədaxilini edə bilər. Bu cür əməliyyatlardan həm kreditlərin ödənişi, həm də şəxsi koçürmə və ya hesabın möhkəmləndirilməsi məqsədilə yararlanmaq olar.

Xidmətdən ATM vasitəsilə faydalanmaq üçün ATM-in menyüsunda “Ödənişlər”, daha sonra “Bank xidmətləri” bölməsinə keçmək, ödəniş təyinatı növlərindən  birini seçmək, müvafiq bank hesabı nömrəsini və mədaxil olunan məbləği daxil etmək yetərlidir.

“Hesaba mədaxil” xidmətindən online.banktechnique.az saytı vasitəsilə istifadə etmək üçün isə “Şəxsi Kabinet”də qeydiyyatdan keçmiş istənilən müştəri, eyni adlı bölməyə daxil olub, hesab nömrəsini axtarışa verir. Əgər Bankda bu hesab nömrəsi varsa, köçürülən məbləğ, onun valyutası və ödəniş təyinatını daxil etmək vacibdir. 

Xidmət üzrə komisyon haqq 0.1% (minimum, 0.20 AZN) təşkil edir. Əməliyyatlar, saat 18:00-dan sonra və qeyri-iş günləri aparıldıqda, vəsaitlər hesaba növbəti gün mədaxil olunur. —15D--