"Bank Technique" ASC-nin nominalı 1 min manat olan 15 245 adi sənədsiz adlı səhmlərinin emisisyası bu ay dövlət qeydiyyatına alınıb. Birjanın məlumatına görə, bütün səhmlər bir əqd çərçivəsində (bir investor) satılıb. Anderrayter "Texnika Kapital Menecment"dir.
Bu günə elan edilən emissiyanın 67,9%-i (10,345 mln manat) yerləşdirilib.
Qanunvericiliyə əsasən, səhmlərin yarısı yerləşdirilərsə, emissiya baş tutmuş sayılır.
Beləliklə, ödənilmiş nizamnamə fondu 75,1 mln manata çatıb. Emissiya prospektində qeyd edilir ki, “Bank Technique” ASC-nin səhmdarları 2 hüquqi şəxs (“Beaford İnvestissements”, Lüksemburq – 75% və “Kazimir Caspian Fund Limited”, Kayman, Böyük Britaniya - 10%) və 3 fiziki şəxsdir (Əlihüseyn Əsgərov, Habil Cavadov və Kamran Axundovdur – cəmi 15%).
Ötən il “Texnika Bank” ASC adını (sentyabrdan “Bank Technique”) və 2 əsas səhmdarını – “World Wines” MMC və Etibar Əliyev – dəyişib. Onların 75% və 15% payı vardı. --15B--
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz