![Bədbəxt hadisələrdən sığorta üzrə icbari mükafatların həcmi nəzarət mexanizmindən asılıdır](https://turan.az/resized/./turan-750-500-resize.webp)
Bədbəxt hadisələrdən sığorta üzrə icbari mükafatların həcmi nəzarət mexanizmindən asılıdır
İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta üzrə mükafat yığımı qənaətbəxş deyil. Yerli sığorta bazarının optimal həcmi 35-40 mln manatdır. İlin əvvəlindən 17 mln 269,47 min manat yığılıb, 795,61 min manat ödəmniş edilib.
Dövlət Sığorta Nəzarəti Xidmətinin sədr müavini Mahir Abdullayev Turan-ın sualına cavab olaraq bildirib ki, hökumət hələlik bu sahədən yüz faiz nəticə gözləmir. Amma artım var. Ötən ilin eyni dövründə 14 mln 529,52 min manat mükafat yığılmış, 105,59 min manat ödəniş edilmişdi. Onun sözlərinə görə, ilin sonu üçün müəssisələrin 75-80%-i əhatə ediləcək və 25, hətta 30 mln manat mükafat yığılacaq. Tam həcmdə mükafat yığılması üçün cərimə mexanizmi işə düşməlidir, - deyə təcrübəli məmur düşünür.
Azərbyacanda hələlik həyat sığortası üzrə ixtisaslaşan 3 şirkət var. Onların istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta üzrə xidmət hüququ var.
Vergilər Nazirliyinin məlumatına görə, ölkədə 462 min 110 sahibkar (potensial işəgötürən var). Onların beşdə biri real məşğulluğu təmin edir. Təbii inhisarçılar və iri biznesmenlər Əmək və Əhalinin Sosial Müdafiəsi Nazirliyinin nəzarəti altında sığorta şirkətləri ilə müqavilələr imzalayıb.
«İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta haqqında» qanun 2010-cu ildə təsdiq edilib. 17 dekabrda Maliyyə Nazirliyi normativ-hüquqi aktları təsdiq edib.
2010-cu ilin noyabrında Nazirlər Kabinetinin təsdiq ertdiyi traiflərlə iqtisadi fəaliyyət növləri 14 risk dərəcəsinə bölünüb. Müəssisənin risk dərəcəsindən asılı olaraq sığorta ödənişi həcmi 0,2%-2%-dir.
Qanuna əsasən, sığorta tarifi müəssisənin maaş fonduna köçürülür. Qanun 3 sığorta ödənişi növünü nəzərdə tutur: aylıq, bir dəfəlik və əlavə.
Bundan başqa, hər il dövlət büdcəsinin xərclər hissəsinə istehsalatda bədbəxt hadisələr və peşə xəstəliklərdən icbari sığorta üzrə 10 mln manat ayrılır. --17D—
-
- İqtisadiyyat
- 25 Sentyabr 2012 15:03
-
- Cəmiyyət
- 25 Sentyabr 2012 15:16
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz