Beynəlxalq Bank 600 mln manatlıq səhm yerləşdirəcək

Bu gün, yanvarın 16-da Azərbaycan Beynəlxalq Bankı Bakı Fond Birjası vasitəsilə ümumi məbləği 600 mln  manat olan 2 mlrd 222,2 min ədəd adi səhm yerləşdirilməsi planını açıqlayıb.

İnvestisiya memorandumunda qeyd edilir ki, səhmlərin nominal qiyməti ilə (0,27 m) 2017-cı ilin 1-ci rübündə yerləşdirilməsi planlaşdırılır.

Səhmlərın yerləşdirilməsi kütləvi təklif üsulu ilə abunə yazılışı formasında həyata keçiriləcək. Abunə yazılışı səhmlərin buraxılışının dövlət qeydiyyatına alındığı tarixdən sonrakı iş günü başlanacaq və 3 gün müddətində başa çatdırılacaq. Səhmlərin yerləşdirilməsinə 12 iş günü ayrılır.

Səhm emissiyasından əldə edilən vəsait devalvasiyaların emitentə mənfi təsirinin aradan qaldırılmasına, kredit portfelin artırılmasından irəli gələn əlavə ehtiyatların yaradılmasına, kommersiya bankları qarşısında digər öhdəliklərin yerinə yetirilməsinə yönəldiləcək.

Hazırda «Azərbaycan Beynəlxalq Bankı» ASC-nin ödənilmiş nizamnamə fondu 641 mln 287,2 min manatdır.

Sənəddə qeyd edilir ki, əlavə səhm buraxılması barədə qərar 2016-cı ilin fevralında səhmdarların ümumi yığıncağında qəbul edilib. Amma bir il əvvəl qərarda (https://goo.gl/dRqinv) 500 mln manatlıq səhm buraxılacağı deyilirdi. 08D