- İqtisadiyyat
- 13 Mart 2013, 14:21
- 123
BFV Azərbaycanda neft hasilatının azalacağını proqnozlaşdırır
Beynəlxalq Valyuta Fondu (BVF) Azərbaycan hökumətinə dövlət xərclərini azaltmağı və özəl yatırımlar üçün daha əlverişli şərait yaratmağı tövsiyə edir. BVF missiyası ilə Azərbaycan hökuməti arasında maddələr sazişinin IV maddəsi üzrə əməkdaşlıq çərçivəsində yekunları açıqlayan BVF-nin Azərbaycan üzrə missiyasının rəhbəri Raca Almarzuqi dünən mətbuat konfransında bildirib ki, dövlət xərclərinin azaldılması davamlı neft gəlirlərinin təminatı baxımından vacibdir.
“Əgər dövlət xərcləri azaldılsa, paralel olaraq özəl investisiyaların artımının təminatı üçün əlverişli biznes-şərait yaradılacaq. Bizim hesablamalara görə, 2013-cü ildə dövlət investisiyalarının hesabına artan qeyri-neft sektoru 9% təşkil edəcək, onun ÜDM-də payı isə 4,5% artacaq”, - R.Almarzuqi vurğulayıb.
Onun sözlərinə görə, 2010-cu ildə neft hasilatının həcmi pik həddinə çatdıqdan sonra ölkədə istehsalatın azalması baş verir və 2013-cü ildə bu azalma 1,9% təşkil edəcək.
“Biz həmçinin dövlət orqanlarına pul siyasətinin sərtləşdirilməsini tövsiyə edirik, çünki belə tədbirlər iqtisadi artım vəziyyətində vacibdir”, - o qeyd edib.
* 2012-ci ilin yekunlarına əsasən Azərbaycanda 42 mln. 985 min ton neft hasil edilib. Əgər BVF-nin proqnozları praktikada real olarsa, cari ildə Azərbaycanda neft hasilatı 42 mln. 168 min ton təşkil edəcək. BVF-nin cari il üçün neft hasilatı üzrə proqnozları “ölkədə stabilləşmə prosesinin getməsi” ilə bağlı Azərbaycan Dövlət Neft Şirkəti rəhbərliyinin bəyanatı ilə ziddiyyət təşkil edir. Hətta ötən ilin sonlarında dövlət başçısı BP şirkəti ilə əldə olunmuş uğurlarla (2012-ci ilin yekunları üzrə Azərbaycanın neft hasilatının 81,2%-i BP-Azerbaijan şirkətinin payına düşüb) bağlı cəmiyyəti sakitləşdirib ki, bu da neft hasilatının artımına səbəb olacaq. Lakin ilk ayın hasilat statistikasına, həmçinin cari ilin iki ayında Azərbaycan neftinin ixrac göstəricilərinə əsasən hasilatda sənayenin davam etdiyi bəlli olur. --12D--
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz