Azərbaycan Dövlət Neft Şirkəti Böyük Britaniyanın ALE ağır tonnajlı yükləri qaldırma şirkəti arasında müqavilə bağlayıb. Britaniya şirkəti Sumqayıtda inşa olunması planlaşdırılan Karbamid Zavoduna böyük ölçülü və ağır çəkili hissələri daşıyacaq.
«Bu, ALE-nin Xəzər dənizi və Mərkəzi Asiyada böyük ölçülü və ağır çəkili hissələrin daşınması üzrə ən böyük sazişidir. Sazişdə Bakıdan Sumqayıta 40 ədəddən çox böyük ölçülü və ağır çəkili hissələrin daşınması, eləcə də idarəetmə və mühəndislik xidməti nəzərdə tutulub»,- deyə məlumatda bildirilir.
Daşıma 2016-cı ilin sentyabr ayınadək davam edəcək. Artıq şirkət daşımalara başlayıb və indiyədək çatdırılan ən ağır hissənin çəkisi 367 ton olub.
ALE şirkəti Bakıda 2013-cü ildən fəaliyyət göstərir.
ALE neft-qaz, nüvə, bərpa olunan enerji, neft-kimya və s üzrə xidmət göstərir.
SOCAR 2017-ci ilin sonu, 2018-ci ilin əvvəlində Sumqayıtda Karbamid zavodu istismara verməyi planlaşdırır. Tikintiyə 18 fevral 2014-cü ildə başlanılıb. Bunun üçün 24 ha ərazi ayrılıb. Müəssisədə ammonyak, maye və dənəvər karbamid istehsal ediləcək. Zavodda gündə 1,2 min ton ammonyak və 2 min ton karbamid istehsal olunacaq.
2013-cü il martın 13-də SOCAR və "Samsung Engineering Co. Ltd." (Cənubi Koreya) şirkəti arasında karbamid istehsalı zavodunun inşası məqsədilə layihələndirmə, satınalma və tikinti müqaviləsi imzalanıb. Layihənin dəyəri (vergilər nəzərə alınmadan) 500 mln. avro təşkil edir. —0--
İqtisadiyyat
-
2024-cü ildə Azərbaycan hava nəqliyyatı vasitəsilə 38 ölkədən 3,523 milyon sərnişin qəbul edib ki, bu da əvvəlki illə müqayisədə 32,1%-lik əhəmiyyətli artımı əks etdirir. Dövlət Turizm Agentliyinin məlumatına görə, ölkəyə gələn ölkələrin sayı üç artırılaraq illik 8,5%-lik genişlənmə əldə olunub.
-
Azərbaycan 2025-ci ildə iqtisadi artım üçün iddialı bir yol xəritəsi təyin edərkən, ölkə öz investisiya portfelini genişləndirmək və innovativ maliyyə alətləri inkişaf etdirmək üçün hazırlaşır. Bu səylər daxili və beynəlxalq investorlar üçün əlverişli mühit yaratmağı hədəfləyir və iqtisadiyyatı neft asılılığından diversifikasiya olunmuş və davamlı inkişafa yönəltməyi nəzərdə tutur.
-
2025-ci ildə Azərbaycan mədəni ənənələri, dini ayinləri və milli xatirə tarixlərini özündə birləşdirən bir sıra dövlət bayramlarını və yas tədbirlərini qeyd edəcək. Nazirlər Kabineti tərəfindən təsdiq edilmiş təqvim vətəndaşlara miraslarını şərəfləndirmək, tarix haqqında düşünmək, ailə və dostları ilə istirahət etmək imkanı verəcək mənalı tarixləri müəyyənləşdirir.
-
Ermənistan hökuməti yanvarın 9-u, cümə axşamı, 52 min imza toplayan və tələb olunan 50 min həddini aşan petisiyadan sonra qanun layihəsini nəzərdən keçirdi. Parlamentə göndərilən təklif olunan qanun layihəsi, Ermənistanın Avropa inteqrasiyasına mümkün keçidi ətrafında müzakirələrə səbəb olub.
Rəy yaz