"Azəristiliktəchizat" ASC-nin sədr müavini İlham Mirzəliyevin isitmə mövsümünün əvvəlinə - noyabrın 15-ə Bakıda mənzillərdə istilik üçün görülən tədbirlər barədə açıq bəyanatına baxmayaraq, paytaxtda bütün istilik qazanxanalarının fasiləsiz və tam işi təmin edilməyib.
Bakıda noyabr soyuq keçdi və sakinlər noyabrın 15-ə qədər elektrik cihazlarla evlərini qızdırırdı, ancaq mövsüm başlayandan təxminən 10 gün sonra da mənzillərdə istilik yox idi, yaxud isti suyun verilməsi yetərincə deyildi. Bəzi hallarda, məsələn, Nərimanov küçəsi (Yasamal rayonu) ev 5-də isitmə mövsümünə hazırlıq İ.Mirzəliyevin vəd etdiyi kimi əvvəldən deyil, noyabrın 15-də başladı. Bakının bütün rayonlarından “Turan”a pis isitmə ilə bağlı şikayətlər daxil olub. Hətta məktəblərdə isitmə problemi barədə məlumat verilir.
"Azəristiliktəchizat" ASC-nin məlumatına görə, 2015-ci ildə Bakının 335 istixanası 3035 çoxmənzilli yaşayış binasını, 184 məktəbi, 123 uşağ bağçasını, 102 səhiyyə obyektini və 460 digər obyekti istiliklə təmin etməlidir. Regionlarda rəqəmlər müvafiq olaraq belədir: 191, 415, 103, 38, 55, 93.
İstilik işçiləri etiraf edir ki, bu il sakinlərə istilik verə bilməyiblər və problemin səbəbi «Azəriqaz”ın yetərincə qaz verməməsidir. «Azəriqaz”da isə satılan qaza görə 3 mln ödənilməmiş borc barədə məlumat verilir. «Azəriqaz” qaz pulunun ödənilməsi üçün "Azəristiliktəchizat"a xəbərdarlıq edib və qaz pulunu öncədən alıb qaz tədarük edir. İstiliyin az və vaxtında verilməməsi bununla bağlıdır, deyə "Azəristiliktəchizat" mətbuata açıqlama verib.
Öz növbəsində "Azəristiliktəchizat" qaz pulu ödəmək üçün vəsaitin azlığından şikayət edir. Belə ki, əhali istilik pulunu köhnə tariflə 1 kv m üçün 0,15 manat hesabı ilə ödəyir. Müəssisə və təşkilatlar isə 1 kv metr üçün 0,25 manat ödəyir. Bu tarif 2011-ci ildən tətbiq edilir. ASC-də hesab edirlər ki, bu məbləğ məqbul deyil və ödənişin artırılması üçün hökumətə müraciət edib.
Müqayisə üçün: Ukraynada 1 kv m üçün 0,7 manat, Rusiyada noyabrda 0,7 manat (26.11.15 məzənnəsi) ödənilir.
“Azəristiliktəchizat” RF və Ukraynadan fərqli olaraq, vəsaitləri istilik təchizatı obyektləri tikilməsinə və avadanlıq alınmasına yönəldir. AZAL-la bağlı tarixçə təkrar olunur: rəhbərlik vəsait çatışmazlığından şikayət edir. Hərçənd təyyarə alınması və aeroport tikilməsi pulunu dövlət ödəyir. “Azəristiliktəchizat” 2005-2010-cu illərdə dövlətdən 77 mln manat alıb. 2008-2013-cü illərdə tikinti və başqa işlərə 112 mln manat xərclənib. Yəni ASC pulunu yalnız qaz almağa xərcləyir.
Ehtimal ki, şirkət əvvəlcə menecmentini qaydaya salmalı, əhalidən pul toplanmasının müasir texnologiyasını tətbiq etməli, kömək üçün köhnə və qanunsuz MİS işçilərinə müraciət etməməlidir. «Bizim Yol” qəzetinin araşdırması müəyyən edib ki, “Azəristiliktəchizat”ın tenderlərində həmişə eyni şirkətlər qalib gəlir. Tender qaliblərinin lideri “HTMHoldinq" , sonra "VestLTD" MMC və az sayda başqa şirkətlərdir. -0—
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz