Bu gün Yevlax şəhərində hava limanının açılışı olacaq

Yevlax şəhərində hava limanının yenidən qurulması ilə bağlı təmir-tikinti işləri başa çatıb. Bu gün Azərbaycan prezidenti İlham Əliyev onun açılış mərasimində iştirak edib.

«Azərbaycan Hava Yolları» QSC-nin prezidenti Cahangir Əsgərov məruzə edib ki, bu ilin mart ayından köhnədən iki dəfədən artıq olan 2520 metr uzunluğunda uçuş-enmə zolağı tikilib. Zolağın eni 40 metr təşkil edir. Həmçinin 354 metr uzunluğunda yönəldici yol, sahəsi 30,8 min kvadrat metr olan perron və 1200 kv metrlik aerovağzal tikilib. Dispeçer məntəqəsinin yerləşdiyi 1300 kv metr sahəsi olan dörd mərtəbəli bina yenidən qurulub. Uçuşların təhlükəsizliyini təmin etmək üçün Beynəlxalq Mülki Aviasiya Təşkilatının tələblərinə cavab verən bütün zəruri sistem yaradılıb. Aeroport boyu 9 kilometr uzunluğunda hasarı çəkilib. Vağzalyanı meydanda 60 avtomobil tutumlu dayanacaq tikilib. Əvvəllər Yevlax hava limanından Bakı, Naxçıvan və Minvoda uçuşlar həyata keçirilirdi. Həmçinin bu hava limanı kənd təsərrüfatı aviasiyası funksiyasını yerinə yetirirdi. 

Hələlik Yevlax hava limanının real nə vaxt işə düşəcəyi məlum deyil. AZAL-ın mətbuat xidmətinin rəhbəri Məhərrəm Səfərli Turana bildirib ki, yaxın vaxtlarda Yevlax hava limanından uçuşların həyata keçiriləcəyi şəhərlər müəyyən ediləcək. 08D