Azərbaycan heç bir iqtisadi islahat aparmayaraq Beynəlxalq Maliyyə Korporasiyasının “Doing Business 2013” reytinqində 185 ölkə arasında 67-ci yeri tutub.
Ötən ilki tədqiqatda ölkə 66-cı yerdə idi. Bu il reytinq 10 meyar üzrə hazırlanıb. Ümumiyyətlə, Azərbaycan il ərzində iki meyar üzrə yerini yaxşılaşdırıb, 4 meyar üzrə pisləşdirib, 4-də isə dəyişməz qalıb.
Ölkənin yekun rəyinə o da təsir edir ki, reytinq üzrə yaxın ölkələrdə islahatlar daha dinamikdir. Gürcüstan 6 islahatla əlverişli biznes şəraitinə görə ilk onluqda 9-cu olub, Ermənistan 55-ci yerdən 32-ci yerə qalxıb. Keçmiş SSRİ ölkələri arasında Azərbaycan Qazaxıstan, Belarus və Baltikyanı ölkələrdən də geri qalır. Layihə çərçivəsində 108 ölkədə 201 islahat, on ildə isə 180 ölkədə 2 min islahat qeydə alınıb. Sinqapur yeddi ildir reytinqdə birincidir. Onluğa Honkonq, Yeni Zelandiya, ABŞ, Danimarka, Norveç, Böyük Britaniya, Koreya Respublikası; Gürcüstan və Avstraliya da daxildir.
Son ildə biznes aparılması şəraitini yaxşılaşdırmaqda daha çox tərəqqiyə bu ölkələr nail olub: Polşa, Şri-Lanka, Ukrayna, Özbəkistan, Burundi, Kosta-Rika, Monqolustan, Yunanıstan, Serbiya və Qazaxıstan.
“Doing Business 2013” illik məruzələr seriyasından onuncudur. Onlarda müəssisələrin yaradılması, biznes aparılması, xarici ticari fəaliyyət, vergi ödənilməsi, investorların hüquqlarının qorunması da daxil tətbiq edilən normativ hüquqi normaların analizi aparılır.–15D--
İqtisadiyyat
-
Azərbaycanın maliyyə cinayətləri və terrorizmin maliyyələşdirilməsinə qarşı mexanizmləri gücləndirmək üçün strateji addım çərçivəsində Baş nazirin müavini Samir Şərifov yenidən qurulmuş Terrorizmin Maliyyələşdirilməsinə və Digər Maliyyə Cinayətlərinə qarşı Mübarizə üzrə Koordinasiya Şurasının sədri təyin olunub.
-
“Azərbaycan Dəmir Yolları” QSC-nin sədri Rövşən Rüstəmov və İran Dəmir Yollarının rəhbəri Cabbar Əli Zəkəri Sərdrudi Tehranda keçirilmiş Azərbaycan–İran Birgə Hökumətlərarası Komissiyasının iclasında Astara terminallarında əməkdaşlığın gücləndirilməsi məsələsini müzakirə ediblər. Bu terminallar Beynəlxalq Şimal-Cənub Nəqliyyat Dəhlizinin (INSTC) əsas qovşaqları hesab olunur. Görüşdə bu terminalların əməliyyat səmərəliliyinin artırılması və onların strateji əhəmiyyətinin vurğulanması ilə iki ölkə arasında yükdaşımaların artan həcminə dəstək məsələləri diqqət mərkəzində olub.
-
Azərbaycan "Yaşıl Enerji Zonasının" məqsədli qrupunun əlaqələndirilmiş səyləri ilə yaşıl enerjiyə keçidini sürətləndirir. Bu məqsədli qrup son hibrid görüşünü irəliləyişləri nəzərdən keçirmək və gələcək prioritetləri müəyyən etmək üçün təşkil edib. Energetika Nazirliyi çərşənbə günü keçirilən sessiya ilə bağlı açıqlamasında, bu qrupun 2022–2026-cı illər üçün Sosial-İqtisadi İnkişaf Strategiyasının həyata keçirilməsində mərkəzi rolunu vurğulayıb. Bu strategiya Azərbaycanın dayanıqlı inkişaf ambisiyalarının əsasını təşkil edir.
-
Azərbaycanın dövlət mədən şirkəti olan AzerGold, qlobal mədən sektorunda iştirakını genişləndirmək səyləri çərçivəsində Afrikada türk şirkətləri ilə strateji əməkdaşlıq imkanlarını araşdırır. AzerGold QSC-nin İdarə Heyətinin sədri Zakir İbrahimov və Türkiyə Xarici İşlər Nazirliyinin Qərbi və Mərkəzi Afrika Departamentinin rəhbəri Şəbnəm Cenk arasında keçirilən son danışıqlarda qarşılıqlı faydalı tərəfdaşlıq potensialı vurğulanıb.
Rəy yaz