"Chartis Azerbaijan" sağ qalmağa çalışır

"Chartis Azerbaijan" sığorta şirkətinin mükafat həcmi I yarımildə ötən ilin eyni dövrü ilə müqayisədə 173 min manat (- 24,7%) azalaraq 554,95 min manat olub. 

Şirkətdə Turan-a bildiriblər ki, əmlakın yanğından və başqa risklərdən sığortası üzrə mükafatlar 207,85 min manat olub. Bu,mükafatları 37,45%-dir. 

Yük sığortası üzrə 62,1 min manat toplanıb. Bu il üçüncü şəxslər qarşısında məsuliyyət 3-cü yerə çıxıb. Peşə məsuliyyətinin sığortası üzrə 221,12 min manat, ümumi mülki məsuliyyətin sığortası üzrə 48,36 min manat, işə götürənlərin məsuliyyətinin sığortası üzrə 9,27 min manat yığılıb. 

Nə vaxtsa güclü olan bədbəxt hadisə və xəstəliklərdən sığorta üzrə 2,4 min manat toplanıb. 

Sığorta ödənişləri 382,14 min manat olub. Bunun 380,04 min manatı əmlakın yanğından və başqa risklərdən sığortası üzrədir. 

Chartis Azerbaijan yerli bazarda 1999-cu ildən xidmət göstərir. Əvvəl onun əvəzinə törəmə strukturu AIG (American International Group) qeydiyyata alınmışdı.  

İndi 49% Amerika kapitallı şirkətin yerinə 100% xarici kapitallı Brintaniya şirkəti fəaliyyət göstərir (15 oktyabr 2010-cu ildə qeydiyyata alınıb) və 10 sığorta növü üzrə xidmət edir. Şirkətin nizamnamə kapitalı 6 mln 786 min manatdır. --17D-