Prezident İlham Əliyevin sərəncamı ilə Samir Dönməz oğlu Cəfərov “Azərbaycan Polad İstehsalı Kompleksi”nin sədri təyin edilib. Bu kadr dəyişikliyi QSC-nin yaradılması barədə qərardan təxminən 10 ay sonra baş tutub.
Xatırladaq ki, dövlət başçısı “Azərbaycan Polad İstehsalı Kompleksi” QSC-nin yaradılması haqda sərəncamı 2013-cü il aprelin 23-də imzalayıb.
O zaman Nazirlər Kabinetinə bir ay vaxt verilmişdi ki, QSC-nnin nizamnamə kapitalının maliyyələşdirilməsi məsələsini həll etsin, nizamnaməni və yeni istehsalat kompleksinin strukturunu ölkə prezidentinə təqdim etsin.
Lakin nizamnamə kapitalının maliyyələşdirilməsinə 2 mln. manatın ayrılmasından başqa QSC-nin fəaliyyətə başlaması üçün real addımlar atılmadı.
Qeyd edək ki, Daşkəsən dağ-mədən kombinatının aktivləri QSC-yə verilib. QSC yaradılmazdan əvvəl bu kombinatın səhmləri "Det.Al Holding"-dən alındı. Belə ki, qurum investisiya öhdəliklərini yerinə yetirməmişdi. Bu holdinq əvvəllər də Gəncə-Daşkəsən regionunda müxtəlif metalyayma istehsalı, poladəritmə və ilkin emal üzrə müəssisənin yaradılmasına iddia edirdi.
Lakin hələki polad istehsalı üzrə dövlət kompleksinin yaradılması ləng gedir. Özəl "Baku Steel Company" şirkəti Gəncə-Daşkəsən regionunda ümumi dəyəri 1 mlrd. 200 mln. avro həcmində qara metallurgiya zavodunun inşasına dair planlarını açıqlayıb.
Hökumətin polad istehsalına dair planı məhz bu regionda reallaşmalı idi və QSC də bu məqsədlə yaradılıb.
Bəzi müşahidəçilərin fikrincə, QSC-nin yaradılması formal xarakter daşıyır və tezliklə o, metallurgiya sahəsini daha çox inhisara alan "Baku Steel Company"-nin idarəçiliyinə veriləcək. –06d08--
2014 Fevral 15 (Şəmbə) 11:50:51
Dövlət basçısının sərəncamı ilə Samir Cəfərov “Azərbaycan Polad İstehsalı Kompleksi” QSC-nin sədri təyin edilib.
Rəsmi məlumatda bu kompleks barədə əlavə bilgi verilmir. Görünür, söhbət sənaye vahidinin yaradılmasından gedir ki, bu da filiz hasilatı və alışı, polad istehsalı ilə məşğul olacaq. Bu o deməkdir ki, ölkədə mövcud olan metallurgiya zavodları kompleksə daxil olacaq. -02D-
İqtisadiyyat
-
Türkiyənin Aksa Doğalgaz şirkəti, Kazancı Holdinqin bir hissəsi olaraq, Bursagaz və Kayserigaz qazpaylayıcı şirkətlərini almaq üzrə müqavilə prosesinin tamamlandığını elan edib. Bu şirkətlər 2019-cu ildən etibarən SOCAR Türkiye Energy AS-in (STEAS) tərkibində fəaliyyət göstərirdi, deyə Aksa Doğalgaz məlumat verib.
-
Nazirlər Kabineti, ölkənin milli kimliyini və mədəni dəyərlərini əks etdirən yaradıcı əsərləri təşviq etmək məqsədilə dövlət sifarişi ilə istehsal edilən filmlərin müəllifləri üçün minimum qonorar məbləğlərini müəyyən edən yeni qaydalar qəbul edib.
-
Azərbaycana çayın idxalı artıb. Dövlət Gömrük Komitəsinin məlumatına görə, 2024-cü ilin yanvar-noyabrında çay idxalı əvvəlki ilin eyni dövrü ilə müqayisədə həcmcə 3. 3 faiz artaraq 12 min 893 ton, dəyər baxımından isə 4.5 faiz yüksələrək 67 milyon 715 min ABŞ dolları təşkil edib.
-
"Azərbaycan Dəmir Yolları" QSC (ADY) 2024-cü ildə Şimal-Cənub Beynəlxalq Nəqliyyat Dəhlizi (NSTC) vasitəsilə tranzit yüklərin həcmini ötən ilə nisbətən 28% artıraraq 814 min tona çatdırdığını bildirdi. Bu artım, Şimali Avropa və Rusiyanı Hind okeanı ilə birləşdirən dəhlizin strateji potensialını üzə çıxarmaq istiqamətində Azərbaycanın göstərdiyi səyləri vurğulayır.
Rəy yaz