![Dekabrın 10-dan mehmanxanaların tipi və ulduz kateqoriyalarının müəyyənləşdirilməsi üzrə standart qüvvəyə minir](https://turan.az/resized/media/2012/main/120500020349-750-500-resize.webp)
Dekabrın 10-dan mehmanxanaların tipi və ulduz kateqoriyalarının müəyyənləşdirilməsi üzrə standart qüvvəyə minir
Г Azərbaycan Respublikasının Standartlaşdırma, Metrologiya və Patent üzrə Dövlət Komitəsi AZS 745-2012 "Mehmanxana və mehmanxana tipli obyektlərin təsnifatı, ulduz kateqoriyalarının müəyyənləşdirilməsi və qiymətləndirmədə meyarların tətbiq edilməsi" dövlət standartını təsdiq edib. Mədəniyyət və Turizm Nazirliyi dekabrın 10-dan standartı tətbiq edəcək.
Standarta əsasən, hotelin ən azı on nömrəsi olmalıdır. Qonaqların qəbulu üzrə obyektlərin bu tipləri müəyyən edilib: qonaq evi /mini hotel, motel, butik hotel, spa hotel, istirahət, sanatoriya və kurort hoteli.
SMPDK mətbuat xidmətində Turan-a deyiblər ki, mehmanxana tipli obyektlərin təsnifatı üç mərhələdə keçiriləcək. Birinci mərhələdə obyektin uyğunluğu qiymətləndiriləcək. İkinci mərhələdə ekspert komissiyası rəy hazırlayacaq, yekun mərhələdə kateqoriya veriləcək. Ulduz üzrə qiymət lisenziyadan keçən hotellərə veriləcək. Hotellərin kateqoriyası 1-dən 5-ə qədər ulduzdan ibarət olur. 10-dan az nömrəsi olan obyektlərə ən çoxu 3 ulduz, motellərə ən çoxu 4 ulduz verilir. Avtobus dayanacağı olan butik hotellər 5 ulduz ala bilər.
Standart "Azərbaycan Respublikasında 2010-2014-cü illərdə turizmin inkişafına dair Dövlət Proqramı"nın icrasını təmin etmək məqsədilə "Turizm və yerdəyişmə vasitələrinin xidmətləri" üzrə Texniki Komitə tərəfindən hazırlanıb. Bu zaman keyfiyyət və təhlükəsizlik sistemi, qidanın təhlükəsizliyi, “Hotelstars Union” Avropa Hotellər Assosiasiyasının yoxlama sistemi üzrə İSO standartlarının tələbərindən istifadə edilib.
Azərbaycanda 500-dən çox mehmanxana və mehmanxana tipli obyekt var. 08B
-
- İqtisadiyyat
- 5 Dekabr 2012 13:51
-
- İqtisadiyyat
- 5 Dekabr 2012 14:24
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz