Dəniz, hava və dəmir yolu ilə yük daşımaları azalıb

Bu ilin 11 ayında Azərbaycanda nəqliyyatın dəmir yolu, su və hava yolları ilə yük daşımaları 10% azalıb.

Dövlət Statistika Komitəsinin məlumatına görə, “Azərbaycan Hava Yolları” Dövlət QSC-nin qatarları ilə 19,8 min ton yük daşınıb ki, bu da 2013-cü ilin 11 ayında olduğundan  6,9% azdır.

“Azərbaycan Xəzər Dəniz Gəmiçiliyi” QSC-nin ticarət gəmiləri ilə Xəzər dənizi limanları arasında 9 mln. 45,8 min ton həcmində yük daşınması həyata keçiriıib. Dənizçilər yük axınını 15,3% azaldıblar.

Hava nəqliyyatı üzrə özəl yük daşıyıcısının da göstəriciləri pisləşib. Əgər yanvar-noyabr aylarında  “SW Holding” MMC tərəfindən 111,6 min ton yük daşınıbsa bu il bu göstərici 103 min tona (-7,7%) enib.

İlin əvvəlindən Azərbaycanda yük daşımalarının həcmi 202,5 mln. ton (+1,6%) təşkil edib. Avtomobil nəqliyyatında  (117,6 mln. ton) 58% yük daşımalarının payına düşür. Nəzərə almaq lazımdır ki, dəmir yolu, su və nəqliyyat növlərindən fərqli olaraq (burada dəqiq qeydiyyat aparılır) avtomobil daşınmaları statistik yoxlamalarla müəyyən edilir.

Rəsmi statistikaya görə, 2008-ci illə müqayisədə 2013-cü ildə  (217,9 mln. ton) yük daşımaları avtomobil nəqliyyatının sayəsində 34,9 mln. tonadək artıb. Sözügedən müddətdə dəmir yolu ilə daşımalar 4,3 mln. ton, su nəqliyyatı üzrə   388 min ton azalıb. Avtomobil nəqliyyatı ilə əksinə 37,2 mln. ton artıb. –08B--