İyulda Azərbaycanın əmək bazarında iyundakı irəliləyiş olmayıb. İyunda muzdlu işçilərin sayı 19,4 min nəfər artıb.
Dövlətstatkomun məlumatına görə, 2016-cı il avqustun 1-i vəziyyətinə ölkə iqtisadiyyatında muzdla çalışan işçilərin sayı iyulun əvvəlindəki qədər - 1521,1 min nəfər olub.
Amma işçi qüvvəsinin dövlət sektorundan özəl sektora axını müşahidə edilir.
Avqustun 1-i vəziyyətinə muzdla çalışan işçilərin 888,8 min nəfəri iqtisadiyyatın dövlət sektorunda olub. Bu, iyulun əvvəlindəkindən 1100 nəfər azdır. Muzdluların 632,3 min nəfəri isə qeyri-dövlət sektorunda fəaliyyət göstərib. Bu, bir ay əvvəlkindən 1,1 min çoxdur.
Dövlətstatkom bildirir ki, ölkə iqtisadiyyatında muzdla çalışan işçilərin orta aylıq nominal əmək haqqı 489,3 manat ($300) olub. Bu, 6 aylıq orta göstəricidən 1 manat 20 qəpik çoxdur. 2015-ci ilin avqustunda Azərbaycanda orta aylıq əmək haqqı $440 olub. 08В
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz