DSMF-nin 2013-cü il üçün büdcəsi qəbul edilib

Bu gün Dövlət Sosial Müdafiə Fondunun sədri Səlim Müslümov parlamentdə 2013-cü ilin büdcəsi ilə bağlı çıxış edib. Onun sözlərinə görə, strukturun məcmu gəlirləri və xərcləri 2 mlrd 632 mln 695 min manat səviyyəsində nəzərdə tutulub. Kəsirsiz büdcə icbari dövlət sosial sığortası üzrə 1,55 mlrd manat, büdcə təşkilatlarından 539,19 mln, büdcə təşkilatları işçilərindən 73 mln 526,2 min manat mədaxil, 77,44 mln manat büdcədənkənar ayırma və büdcə subsidiyaları hesabına təmin ediləcək. Dövlət büdcəsindən transfertlər 1,08 mlrd manat gözlənilir. 

 Xərclər bu cür planlaşdırılır: əmək pensiyalarının baza hissəsinin ödənilməsinə 1 mlrd 358,48 mln manat, sığorta hissəsinə 1 mlrd 141,81 mln manat. İcbari dövlət sosial sığortası ödənişi hesabına müavinət 69,98 mln manat, o cümlədən əmək qabiliyyətini itirənlər üçün 18 mln manat, aztəminatlı ailələrdə doğumla bağlı 22 mln, doğumla əlaqədar 4,5 mln, 3 yaşacan uşaqlara xidmətlə bağlı 8 mln, dəfn üçün 12,67 mln, işsizlik üzrə müavinət 4,81 mln manat nəzərdə tutulub. Əhalinin təminatı üzrə bank xidmətlərinə 20 mln manat ayrılması planlaşdırılır. --17D--