2014-cü ildə Azərbaycanda xörək duzunun istehlak həcmi əvvəlki illə müqayisədə 3,8% artaraq 92,2 min ton təşkil edib.
Dövlətstatkomun açıqladığı ərzaq balansına əsasən, 2014-cü ildə Azərbaycanda 67 193 ton duz istehsal edilib. Bu, 2013-cü ildəkindən 13% çoxdur.
Həmçinin xaricdən 15 930 ton duz alınıb. Bu, əvvəlki illə müqayisədə 3,8% azdır.
Ötən il duz istehlakı əsasən yeyinti sənayesi hesabına artıb. Orda əlavə kimi 32 min ton (+4,6 min ton) duzdan istifadə olunub.
Qışda şəhər təsərrüfatında 2 646 ton duzdan istifadə edilib. Bu, bir il əvvəlkindən 39,2% çoxdur.
Əhali 35,5 min ton yodlaşdırılmış duzdan istifadə edib. Bu, 2013-cü ildəkindən 3,9% azdır.
Maraqlıdır ki, 2014-cü ildə Azərbaycan 6,3 min ton duz ixrac edib. Bu, 2013-cü ildəkindən 3,4 dəfə çoxdur.
Azərbaycanda əsas duz istehsalçısı “Azersun Holding”in törəməsi «Azərbaycan Duz İstehsalı Birliyi» QSC-dir. Bu müssisəyə $14 mln vəsait qoyulub. Naxçıvan MR-da da duz istehsal olunur. -08B-
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz