Azərbaycana səfər edənlər əlavə dəyər verigisindən (ƏDV) azad olunacaqlar. Bu qayda qeyri-kommersiya məqsədi ilə mal alan əcnəbi və vətəndaşlığı olmayan şəxslərə şamil olunacaq. Ölkə parlamenti bununla əlaqədar olaraq Vergi Məcəlləsinə əlavə və dəyişikliklər edəcək.
APA-nın xəbərinə görə, əcnəbilər alış-veriş edərkən ƏDV ödəyəcəklər, ancaq ödədiklərini ölkəni tərk etdikləri zaman geri alacaqlar.
Parlament Vergi Məcəlləsinin 165.1.3-cü maddəsinə dəyişik edəcək. Dəyişiklik təkilfinə əsasən, əcnəbilər və vətəndaşlığı olmayan şəxslərdən kommersiya məqsədləri üçün nəzərdə tutulmayan malların ixracından ƏDV sıfır dərəcəsi ilə tutulacaq.
Məcəlləyə həmçinin 165.3-cü maddə əlavə ediləcək. Həmin maddə ödənilmiş ƏDV-nin qaytarılması qaydasının müəyyənləşdirilməsini nəzərdə tutur.
Dəyişiklik təklifi iyunun 24-də keçiriləcək plenar iclasında müzakirə olunacaq.-0—
İqtisadiyyat
-
Azərbaycan Dövlət Neft Şirkəti (SOCAR) beynəlxalq miqyasda üst axın (upstream) əməliyyatlarını genişləndirərək, qlobal portfelində strateji dəyişiklik həyata keçirir. Şirkətin İsrailin Tamar qaz yatağında 10%-lik və Abu-Dabidəki SARB və Umm Lulu dəniz neft layihələrində 3%-lik pay əldə etməsi, SOCAR-ın Azərbaycan sərhədlərindən kənardakı ambisiyalarının artdığını göstərir.
-
BP 2025-ci ildə Azəri-Çıraq-Günəşli (AÇG) yatağında 19 quyu qazmağı planlaşdırır və bununla da 2024-cü ildəki qazma fəaliyyətini eyni səviyyədə saxlayacaq. Bu barədə çərşənbə axşamı şirkətin yüksək vəzifəli nümayəndəsi məlumat verib.
-
Beynəlxalq Buruqçular Podratçılar Assosiasiyası (IADC) çərşənbə axşamı Bakıda illik "IADC Drilling Caspian" konfransına start verdi. Sənaye liderlərini bir araya gətirən tədbir neft və qaz yataqlarının qazılması sahəsində yeniliklər, eləcə də geotermal enerjinin artan rolu mövzusunda müzakirələrə həsr olunub.
-
2024-cü ildə Transxəzər Beynəlxalq Nəqliyyat Dəhlizi (TITR) vasitəsilə daşınan yüklərin həcmi 62% artaraq 4,5 milyon tona çatıb, Qazaxıstanın Baş naziri Oljas Bektənov çərşənbə günü Gürcüstanın Baş naziri İrakli Kobaxidze ilə görüşündə bildirib. Bu barədə Qazaxıstan hökumətinin mətbuat xidməti məlumat yayıb.
Rəy yaz