ƏDV-dən azad edilən malların siyahısı genişləndirilib

Bakı/29.08.19/Turan: Avqustun 28-də Prezident İlham Əliyev Vergi Məcəlləsinə dəyişikliklərin edilməsinə dair qanun imzalayıb, dəyişikliyə əsasən,ƏDV-dən azad edilən malların siyahısına kənd təsərrüfatı texnikası üçün ehtiyat hissələri də daxil edilib.

ƏDV ödənişindən (malın dəyərinin 18%-i) kənd təsərrüfatı texnikası üçün ehtiyat hissələrinin həm istehsalçıları, həm də idxalçıları azad edilib. Həmçinin kənd təsərrüfatı maşınları üçün ehtiyat hissələrinin satışı da ƏDV ödəməsindən azad edilib. Vergi imtiyazının bu norması üçün vaxt məhdudiyyəti nəzərdə tutulmur. Qanunun tətbiqinə dair avqustun 28-də verilən fərmanda dövlət başçısı Nazirlər Kabinetinə kənd təsərrüfatı texnikasının ehtiyat hissələrinin müvafiq siyahısını üç ay müddətində təsdiq etməyi tapşırılıb.

Vergi Məcəlləsinə əsasən, Azərbaycanda kənd təsərrüfatı istehsalına aid bir çox malların idxalı və satışı ƏDV-dən azad edilib. Bura suvarma texnikası və qurğular, damazlıq heyvanlar, toxum və tinglər, mineral gübrələr və pestisidlər, quşçuluq və arıçılıq üçün avadanlıqlar, o cümlədən laboratoriya avadanlıqları, toxum, taxıl və quru paxlalı bitkilərin təmizlənməsi, çeşidlənməsi və ya kalibrlənməsi üçün maşınlar, kənd təsərrüfatı heyvanlarının və quşların profilaktikası, diaqnostikası və müalicəsi üçün istifadə olunan baytarlıq preparatları daxildir.

Həmçinin quş ətinin satışı (2017-ci ilin yanvarından başlayaraq 3 il), buğdanın idxalı və satışı, çorək istehsalı və satışı üçün (2017-ci ilin yanvarından başlayaraq 4 il) möhlət də qüvvədədir. --0--