Maliyyə ekspertləri dolların bahalaşacağını proqnozlaşdırır.
Onların fikrincə, yaxın vaxtda dollar 1,65 manat, ilin sonu üçün 2 manata yaxın olacaq.
Ekspert Samir Əliyev Turan-a müsahibəsində deyib ki, qeyri-adi bir şey olmasa, 2016-cı ilin sonu üçün 1 dollar 1,80 manata çatacaq.
Qeyri-adi hadisələr kimi o, neftin ucuzlaşması və ya maliyyə bazarında təşvişi nəzərdə tutur.
Ekspertin fikrincə, sentyabrın əvvəli üçün dollar 1,65 manat ola bilər.
«AMB məzənnəni tədrici liberallaşdırma kursu götürüb, üzən məzənnədən danışsa da, manata nəzarət edir və hazırda manatın real məzənnəsindən danışmaq olmaz», - deyə S.Əliyev bildirir.
Dolların bahalanmasına təsir edən amillər sırasında S.Əliyev bunları sadalayır:
«Dollara tələbatın artmasına idxal artımı da təsir edir. Bundan başqa, bankların xarici investorlara kreditlərinin qaytarması da bu amillərdəndir. Əvvəllər banklar kreditləri qaytarıb yenisini alırdı. İndi xarici borcdan qurtulmaq istəyirlər. Böyük borclar onların reytinqinə təsir edir», - deyə ekspert bildirib.
Onun sözlərinə görə, bir sıra bankların bağlanması ilə bağlı əmanətçilərə borcların qaytarılması da bahalanmaya təsir edir.
«Əmanətçilərə kompensasiya manatla verilir. Onlar pulu manatla saxlamaq istəmir, dollar alırlar», - deyə ekspert bildirib.
Qeyd edək ki, REAL hərəkatının Kürdəxanı Təcridxanasında həbsdə olan icraçı katibi Natiq Cəfərli də manatın taleyi ilə bağlı danışmışdı.
Onun vəkili Cavad Cavadov müdafiə etdiyi şəxslə görüşdən sonra Facebook səhifəsində Cəfərlinin dolların məzənnəsi ilə bağlı proqnozunu açıqlayıb.
«Kürdəxanıda manatın taleyini ürək ağrısı ilə izləyirəm. Bu sahədə təcrübəsi olan şəxs kimi deyə bilərəm ki, yaxın vaxtlarda manata təzyiq artacaq», - deyə Cəfərli qeyd edib.
N.Cəfərli qeyd edib ki, 1,4 mln şagird və tələbə dərs ilinə hazırlaşır. Məktəb ləvazimatı xaricdən idxal edilir. Bu da dolların bahalanmasına təsir edir.
«FES yaxın 2 ayda faiz dərəcəsini 1% artıracaq. Bu amil və neftin bahalanmaması manata təzyiq edəcək və məzənnə yaxın vaxtlarda 1USD/1,65AZN olacaq. Növbəti mərhələdə dolların məzənnəsi 1,95 manata çatacaq», - deyə Cəfərli qeyd edib. 73В
İqtisadiyyat
-
Tikinti sektoru şəhər mənzərələrini dəyişdirən, iqtisadi artımı təşviq edən və yeni iş yerləri yaradan əhəmiyyətli islahatlar keçirir, deyə Şəhərsalma və Memarlıq üzrə Dövlət Komitəsinin birinci müavini Namik Gummatov bildirib.
-
Avqustun 1-dən ərzaq və kənd təsərrüfatı məhsullarının istehsalçıları və satıcıları 2025-ci il üçün dövlət satınalmaları tələblərinə uyğun olaraq tedaruk.az saytında öz təkliflərini verə bilərlər. Müraciət müddəti sentyabrın 1-dək davam edəcək.
-
Son hesabatlara və müsahibələrə görə, Azərbaycanda son aylar pomidor qiymətlərində nəzərəçarpacaq artım müşahidə olunub ki, bu da əsasən yanacaq xərcləri və ya hava şəraiti kimi xarici amillərdən daha çox bazar inhisarçılığı ilə bağlıdır.
-
Azərbaycanın aqrar sektorunda 2024-cü ilin birinci yarısında 6 milyard 19 milyon manatlıq məhsul istehsal olunub ki, bu da ötən ilin eyni dövrü ilə müqayisədə 0,3 faiz çoxdur. Hesabatda kənd təsərrüfatının müxtəlif seqmentləri üzrə birmənalı olmayan dinamika vurğulanır, heyvandarlıqda artım, bitkiçilikdə azlama var.
Rəy yaz