Əməkdaşların sayı artır, göstərilən əmək haqqı azalır

Bu ilin on ayında işəgötürənlər Dövlət Sosial Müdafiə Fonduna əlavə 190 min muzdlu işçinin siyahısını təqdim etsə də,  DSMF-nin gəlirləri əvvəlkitək qalır, deyə DSMF sədri Səlim Müslümov bildirib. Mədaxil ayda 75 mln manatı keçmir. 

Onun sözlərinə görə, səbəb maksimal əmək haqqı ödənişinin az gsötərilməsidir. İşə götürənlərin çoxu 93,5 manatdan bir qədər çox məvacib göstərir. Fondun sənədlərin həqiqiliyini yoxlamaq üçün rıçaqları yoxdur, amma əmək bazarının tədqiqi göstərir ki, bu maaşla yaşamaq olmaz. 

Gələn il DSMF-nin maliyyələşməsindən danışarkən o deyib ki, 15 ildən çox stajı olan pensiyaçılar üçün (394 min nəfər) 2013-cü ildə 770,66 mln manat ayrılacaq. Onların maliyyələşməsinin xüsusiyyəti budur ki, 1 yanvar 1997-ci ilə kimi pensiyaya çıxıblar. «Sosial təminat haqqında» qanun sonradan qəbul edilib. Proqnoza əsasən, gələn il orta pensiya səviyyəsi ayda 163 manat olacaq. 

Əmək pensiyalarına 260 mln manat əlavə ediləcək. Bu pensiyaçılar kateqoriyasına dövlət qulluqçuları, o cümlədən MSK üzvləri, ədliyyə işçiləri, hakimlər, prokurorluq işçiləri, digər hüquq mühafizə orqanı işçiləri (60 min nəfər) aiddir. 

Milli Qəhrəmanların, həlak olan Milli Qəhrəman ailələrinin üvlərinin, şəhid ailələrinin, Qarabağ müharibəsi və İkinci Dünya müharibəsi veteranlarının, müharibə əlillərinin, repressiya qurbanlarının pensiyası 49 mln manat təşkil edir. 

Birinci qrup əlillərin pensiyası 20%, gözdən əlillərin pensiyası (I qrup) 100% artacaq. Bu isə 12,5 mln manat edir. 

MM-in iclasında qeyd edilib ki, büdcədən DSMF-yı transfertlər 1 mlrd 77 mln manat olub. Məcmu kəsirsiz büdcə 2,63 mlrd manat olacaq. --17D—