!["Əsrin müqaviləsi" çərçivəsində Azərbaycan 100 mln ton mənfəət nefti əldə edib](https://turan.az/resized/media/2012/main/090700010393-750-500-resize.webp)
- İqtisadiyyat
- 7 Sentyabr 2012, 15:23
- 101
"Əsrin müqaviləsi" çərçivəsində Azərbaycan 100 mln ton mənfəət nefti əldə edib
1997-ci ilin noyabrından 2012-ci il sentyabrın əvvəlinə kimi “Azəri-Çıraq-Günəşli” yataqlarının işlənməsi çərçivəsində 280 mln ton (2 mlrd 70 mln barrel) neft hasil edilib. Bu barədə ARDNŞ-nin birinci vitse-prezidenti Xoşbəxt Yusifzadə Bakıda "Neft-qaz hasilatında yeni texnologiyalar" beynəlxalq konfransında bildirib.
Onun sözlərinə görə, bu həcmdən 104 mln ton (770 mln barrel) Azərbaycanın mənfəət neftidir.
Qeyd edək ki, Azərbaycan "Əsrin müqaviləsi" çərçivəsində ilk mənfəət neftini 1999-cu ilin sonunda əldə edib. Mənfəət nefti satışından gəlirlər Neft Fonduna yığılır. ARDNF-yə indiyəcən $80 mlrd vəsait daxil olub.
Sentyabrda AÇG çərçivəsində Azərbaycan 16 mln barrel mənfəət nefti əldə edəcək. Neftin barreli $110 olarsa, Azərbaycanın "Əsrin müqaviləsi" çərçivəsində gəlirləri $1,76 mlrd (vergi ayırmaları olmadan) olacaq.
Xatırladaq ki, 18 may 2012-ci ilədək “Azəri-Çıraq-Günəşli” yataqlarının işlənməsi çərçivəsində 2 mlrd barrel neft çıxarılıb.
ВР-yə görə, 2025-ci ilə kimi AÇG-dən 5,4 mlrd barrelədək neft çıxarılacaq. Amma Azərbaycan geoloqları hesab edir ki, blokun ümumi ehtiyatları 6,8 mlrd barrel neftdir.
* AÇG üzrə saziş 20 sentyabr 1994-cü ildə imzalanıb. AÇG tərəfdaşları bunlardır: BP (operator – 35,78%), ARDNŞ (11,65%), Chevron (11,27%), INPEX (10,96%), Statoil (8,56%), ExxonMobil (8%), TPAO (6,75%), ITOCHU (4,3%) və Hess (2,72%). --12С--
-
- İqtisadiyyat
- 7 Sentyabr 2012 15:18
-
- İqtisadiyyat
- 7 Sentyabr 2012 15:26
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz