2016-cı ildə Azərbaycana 1830,5 ton ətir və əl-üz suyu gətirilib. Bu, əvvəlki ildəkindən 5,3 dəfə çoxdur, deyə Gömrük Komitəsində Turan-a bildiriblər.
Ötən ilin son üç ayında ətriyyat idxalı 781,7 ton olub.
Ətriyyat daha çox Çin (1074,4 ton), Rusiya (168,7 ton) və Türkiyədən (167,3 ton) idxal edilir. Ötən il Fransadan 111 ton ətir və əl-üz suyu gətirilib.
İdxalçılar ətriyyat idxalı həcmini $16,6 mln məbləğində bəyan ediblər, bu, 2015-ci ildəkindən 7,7 dəfə çoxdur.
Bir ton Çin ətriyyatı $1912, Rusiya ətriyyatı $5068, Türkiyə ətriyyatı $6152-a idxal edilib.
Fransa ətirləri Azərbaycan gömrüyündə $54 552, İtaliya ətirləri $59 734, Britaniya ətirləri $70 940, Amerika ətirləri $82 481, Bəhreyn ətirləri $109 361, İsveçrə ətirləri $147 960-dan sənədləşdirilib. Bunları 100 qramllıq tübiklərə çevirəndə 2016-cı ildə bir tübik Fransa ətiri $43,3, Dubay ətiri $4,4 olub.
Ötən il Dubay Azərbaycana 5,62 ton ətir ixrac edib. Bu, əvvəlki ildəkindən 3,9 dəfə çoxdur. $243,6 min gəlir əldə edilib.
Ekspertlər ətriyyat idxal və ixracının artımını onların leqallaşdırılması ilə izah edirlər. Amma indiyədək hələ heç bir xarici iqtisadi əlaqələrin iştirakçısı və ya DGK əməkdaşı belə cinayətlərə görə cəzalandırılmayıb. 08B
İqtisadiyyat
-
Dövlət Gömrük Komitəsinin məlumatına görə, bu ilin ilk on bir ayı ərzində Azərbaycan dəmir yolu ilə 6,96 milyon ton yük daşımış və bu yüklərin dəyəri 3,01 milyard dollar təşkil etmişdir. Bu, 2023-cü ilin eyni dövrü ilə müqayisədə həcm baxımından 4%, dəyər baxımından isə 10,1% azalma deməkdir.
-
Azərbaycan Respublikasının Nazirlər Kabineti ölkənin rəqabət qanunvericiliyi çərçivəsində sazişlərin təsdiqlənməsini tənzimləyən qaydalar qəbul edib. Bu addım hüquqi çərçivəyə uyğunluğu artırmaq və bazar şəffaflığını gücləndirmək məqsədi daşıyır.
-
Erməni işğalından azad edilmiş ərazilərin bərpası ilə bağlı Azərbaycanın ambisiyalı proqramı geniş şəkildə bir mənbədən satınalma metodlarından istifadə edilməsi səbəbindən diqqət çəkir və şəffaflıq və korrupsiya ilə bağlı narahatlıqlar yaradır.
-
Azərbaycan 2024-cü ilin yanvar-noyabr ayları ərzində buğda idxalının 2023-cü ilin eyni dövrü ilə müqayisədə 2% artdığını qeydə alıb ki, bu da daxili tələbatı ödəmək üçün xarici mənbələrdən asılılığın davam etdiyini göstərir. Bu artım, 2024-cü ildə daxili buğda istehsalının 148,100 ton azalması fonunda baş verir və idxal tədarükünə olan ehtiyacı daha da artırır.
Rəy yaz