«Expressbank» öz müştərilərinin işini rahatlaşdırmaq üçün elektron “Şəxsi kabinet” yaradıb.
Yeni xidmət evdən çıxmayaraq kredit ödənişi, cari hesaba mədaxil, depozit hesabının artırılması, bank kartı hesabına vəsaitin yerləşdirilməsi kimi əməliyyatlar həyata keçirməyə imkan verir. Bunun üçün www.expressbank.az saytında qeydiyyatdan keçmək lazımdır..
Əməliyyatlar istənilən bankın kartı ilə aparıla bilər. “Millikart” şəbəkəsinə daxil olan bankların kartı ilə əməliyyata görə xidmət haqqı tutulmur. Digər prosessinq mərkəzlərinə daxil olan bankların kartı ilə aparılan hər əməliyyata görə 1% həcmində komissiya tutulur.
Bundan əlavə “Şəxsi kabinet” vasitəsi ilə müştərilər Bankda mövcüd olan müqavilələrinin nömrələrini, məhsul növünü, hesablarında olan məbləğlərini, kreditləri üzrə gecikmiş və ödənilməli, əmanət üzrə isə hesablanmış faiz məbləğlərini və s. məlumatı görə biləcəklər.
Bu bank energetiklərə verilən istehlak və başqa kreditlər üzrə inhisarçıı hesab edilir. Elektrik stansiyaları və yardımçı şöbələrin işçilərinə xəbərdarlıq edilib ki, başqa banklardan kredit almasınlar.
Expressbank 1989-cu ildə yaradılıb. Əsas səhmdarları «ADOR» (42%) və «İnterenerji»dir (40%). Onlar dövlət başçısının ailəsinin ünvanında qeydiyyata alınıb. 17,4% pay Ağstafanın Qırılı kəndində qeydiyyata alınan «Enerqoservis» hüquqi şəxsinə məxsusdur. --17D—
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz