Fevral ayinda təkrar mənzil bazarinda nisbi aktivlik müşahidə edilmişdir

Fevral ayında paytaxtın və eləcədə respublikanın digər şəhərlərinin Təkrar Mənzil Bazarında (TMB) nisbi aktivlik müşahidə edilsədə, ay ərzində qiymətlər dəyişməz olaraq qalmışdır. Mütəxəssislərin hesablamalarına görə hal-hazırda TMB-da orta qiymət indeksi təxminən 1kv/m üçün-1045 ABŞ dollarından daha yuxarıdır.Bazarda mənzillərin 1 kv.m-nin orta qiymətindən (1045 ABŞ dolları) yuxarı olan mənzillər ümumi portfeldə daha çox paya, yəni 53,3%-ə malikdir. Mütəxəssislərin fikrincə təklifin həcmində isə ötən ayla müqaisədə nisbi artım (1%) qeydə alınmışdır. Yasamal, Nəsimi, Nərimanоv və Xətai rayоnlarının təklif pоrtfеlindəki payı ötən aylarda olduğu kimi mütləq çохluq təşkil еdib və onların ümumi payı 75%-dən daha yuxarı olmuşdur. Təklif portfelinin uzun müddətdir ki, bu 4 rayonun hesabına formalaşmasına əsas səbəbi, həmin rayonlar üzrə yeni tikililərin təkrar bazara daha çox daxil olması hesab olunur. Fevral ayında da 3, 4 və 5 оtaqlı mənzillərin sayında azalma qеydə alınmamışdır, 1 və 2 оtaqlı mənzillərin təklif üzrə payında isə artım müşahidə оlunub.

Ekspertlər fevral ayında TMB-da nisbi aktivliyin artmasını əsasən ipoteka kreditləşməsi, qış aylarında rusiyada işləyən həmyerlilərimizin bu seqmentə daha çox pul yatırmaları və eləcədə evləri plana düşmüş insanlara yeni mənzillər almaq üçün kompensasiyaların verilməsi ilə əlaqələndirirlər. Bu sahədə çalışan mütəxəssislərdən biri isə fevral ayındakı vəziyyəti belə ifadə etdi: “Bu aylarda insanlar yeni tikililərə və tikilməsi üçün əlverişli mövsüm olmayan torpağa öz pullarını yatirtmaqdansa təkrar mənzillərə daha çox üstünlük verirlər”. Ekspertlər eyni zamanda TMB-da qiymətlərin hələdə normadan baha olması, maklerlərin qiymətlərə süni təsir imkanları, mənzil almaq üçün dövlət tərəfindən dəstəklənən sosial proqramlarının olmaması,  ipoteka  və digər kredit vasitələri ilə ev almaq şərtləriinin ağır olması  kimi səbəbləri TMB-da aktivliyin artmasına  mənfi təsir göstərən əsas səbəblər hesab edirlər

Yaxın günlərdə bazarda sabitliyin müşahidə ediləcəyi proqnozlaşdırılır. 

Fevral ayında Respublikanın digər iri şəhərlərində də qiymətlərdə dəyişiklik qeydə alınmamış və ümumi sabitlik müşahidə edilmişdir. 

 

Rəy yaz

İqtisadiyyat

Чего добивается Россия в Армении, и что обещали Еревану на трехсторонней встрече в Брюсселе? - беседа с Тиграном Хзмаляном в программе "Çətin sual"



InvestPro Azerbaijan Baku & Turkiye Istanbul 2024 – two conferences in one shot


Bizi sosial şəbəkələrdə izləyin

Xəbər lenti