Bakı Fond Birjası (BFB) QSC Listinq Komitəsinin qərarı ilə alternativ bazar seqmenti üzrə birja listinqinə beş şirkətin qiymətli kağızları əlavə edilib.
“Texnika Kapital Menecment” broker şirkətindən Turan-a bildirilib ki, qərar 2015-ci il fevralın 1-dən qüvvəyə minən BFB-da MB listinqinin yeni qaydalarına əsasən qəbul edilib. Bu qaydalara görə, alternativ bazar seqmentində listinqə əsas bazar seqmenti və standart bazar seqmenti üzrə müəyyən edilmiş listinq tələblərinə cavab verməyən səhmlər daxil edilir.
Alternativ seqmentə daxil olmaq üçün emitentin nizamnamə kapitalında payı 10%-dən az olan sahibi və ya onun vəkil edilmiş nümayəndəsi (və ya müştərinin adından çıxış etmək səlahiyyətləri olan birja üzvü) Birjaya müraciət edə bilər.
Qeyd edək ki, emitent açıq səhmdar cəmiyyəti formasında təsis edildikdə dividentlər barədə məlumat verməli, illik maliyyə hesabatlarını növbəti ilin iyun ayının 30-dək Birjaya təqdim etməli və elektron formatda açıqlamalıdır.08B
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz