Forbes nəşrinin hazırladığı biznes üçün ən münasib ölkələrin reytinqdə Azərbaycan 60-cı yeri tutub. Nəşr bildirir ki, keçmiş SSRİ ölkələrindən siyahıda Estoniya 22, Litva 24 –cü yerdədir. Sonrakı ardıcıllıq belədir: Latviya (36), Gürcüstan (47), Azərbaycan (60), Ermənistan (56), Qazaxıstan (65), Moldova (75), Ukrayna (88) və Rusiya (91).
Forbes qeyd edir ki, Rusiyada mülkiyyət hüquqlarının qorunması əvvəlkitək mükəmməl deyil, özəl sektor isə dövlətin intensiv müdafiə obyekti olaraq qalır.
2014-cü ildə biznes üçün ən yaxşı ölkə Danimarka göstərilib. İlk onluğa həmçinin Honkonq və Yeni Zelandiya da daxil olub. 2013-cü ildə reytinqə İrlandiya rəhbərlik edib.
Forbes-in “Biznes üçün ən yaxşı ölkələr – 2014” reytinqinə 146 ölkə daxil edilib. Onların nailiyyətiləri 11 mövqe üzrə öyrənilib: vətəndaşların şəxsi azadlıqlarının səviyyəsi; mülkiyyət hüquqlarının və investisiyaların qorunmasının dərəcəsi; qiymət sabitliyi; mal ixracı və idxalı üçün maneələrin olması; texnologiyanın inkişaf səviyyəsi; innovasiyaların tətbiqi; dövlətin biznesə təsir dərəcəsi; korrupsiya; vergi yükü və səhm bazarının vəziyyəti.
Reytinq Freedom House, Heritage Foundation, Property Rights Alliance, Transparency International, Dünya Bankı və Dünya İqtisadi Forumunun məlumatları əsasında hazırlanıb.-02D-
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz