Dünən Bakıda prezident İlham Əliyevin iştirakı ilə beşulduzlu Four Seasons Hotel Baku otelinin açılışı olub. Mehmanxanada 171 otaq, o cümlədən 27 “lüks” və yüksək vəzifəli qonaqlar üçün iki otaq var.
Otaqlar klassik üslubda tərtib edilib, əksər otaqlardan Bakı buxtası mənzərəsi görünür.
Otelin dizaynı milli elementlərlə zəngindir. Bütün zallara Azərbaycan muğamlarının adları verilib: 500 nəfərlik böyük zal “Segah”, digərləri “Rast”, “Şur”, “Çahargah”, “Bayatı-Şiraz”, “Humayun” və “Şüştər” adlanır.
Qeyd edək ki, mehmanxana Bakının tarixi mərkəzi olan İçəri şəhərə birləşən ərazidə tikilib. Otelin tikintisi zamanı mədəniyyət abidəsi sayılan bir sıra memarlıq binaları sökülüb. Yerli QHT-lər və hətta YUNESKO tarixi “İçəri şəhər” qoruğuna dəyən ziyanla bağlı narahatlığını ifadə edib. -06D-
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz