Əmlak Məsələləri Dövlət Komitəsi “Gəncə Qənnadı” ASC-nin səhmlərinin 30,03%-i növbəti dəfə investisiya müsabiqəsinə çıxarıb. İnvestora hüquq verilib ki, qalan 70% səhmin sahiblərinin rəyindən asılı olmayaraq, müəssisənin profilini özü seçsin.
Müsabiqənin şərtlərinə əsasən, səhmləri almaq üçün iddiaçılar investisiya proqramından əlavə bir ay ərzində ƏMDK-yə dövlət büdcəsinə 550 min manat köçürülməsi barədə təklif təqdim etməlidirlər.
İnvestorlara ümumi qiyməti 1,6 mln manat olan 793 926 səhm təklif edilir. Bu səhmlər əvvəllər nominalının 50%-ə pul hərracına çıxarılıb. İndi investorlardan nominalın 31,4%-i tələb edilir.
“Gəncə Qənnadı” 1973-cü ildə istismara verilib. Nizamnamə kapitalı 5 mln 288,2 min manatdır.
Müəssisədə 53 nəfər çalışır. 3 ildə işçilərin sayı 2 dəfə azalıb. 1 aprel 2015-ci il üçün öhdəlikləri 567,8 min manat olub. Debitor borcları yoxdur.
Dövlətstatkomun məlumatına görə, 2013-cü ildə Gəncədə 62,7 ton qənnadı məmulatı istehsal edilib. Gəncə Qənnadı Fabrikinin gücü 36 min tondur. Gəncə KİV-in yazdığına görə, 2014-cü ildə istehsal həcmi 400 ton olub. Bunun 20 tonu Gürcüstana ixrac edilib. Şəhər İN-nin məlumatına görə, 2014-cü ildə ASC-də süd emalı müəssisəsi yaradılıb. 08D
İqtisadiyyat
-
Azərbaycan hökuməti sənaye və kənd təsərrüfatı zonalarına investisiyaları cəlb etmək səylərini artırır. 2023-cü ildə İqtisadi Zonaların İnkişafı Agentliyi (İZİA) 31 yeni sahibkarlıq subyektinə rezident statusu, bir sahibkara isə qeyri-rezident statusu verib. Bu, ölkənin post-münaqişə bölgələrində və digər ərazilərində iqtisadi inkişafı sürətləndirmək istiqamətində yeni mərhələ hesab olunur.
-
Azərbaycan Dövlət Neft Şirkəti (SOCAR) beynəlxalq miqyasda üst axın (upstream) əməliyyatlarını genişləndirərək, qlobal portfelində strateji dəyişiklik həyata keçirir. Şirkətin İsrailin Tamar qaz yatağında 10%-lik və Abu-Dabidəki SARB və Umm Lulu dəniz neft layihələrində 3%-lik pay əldə etməsi, SOCAR-ın Azərbaycan sərhədlərindən kənardakı ambisiyalarının artdığını göstərir.
-
BP 2025-ci ildə Azəri-Çıraq-Günəşli (AÇG) yatağında 19 quyu qazmağı planlaşdırır və bununla da 2024-cü ildəki qazma fəaliyyətini eyni səviyyədə saxlayacaq. Bu barədə çərşənbə axşamı şirkətin yüksək vəzifəli nümayəndəsi məlumat verib.
-
Beynəlxalq Buruqçular Podratçılar Assosiasiyası (IADC) çərşənbə axşamı Bakıda illik "IADC Drilling Caspian" konfransına start verdi. Sənaye liderlərini bir araya gətirən tədbir neft və qaz yataqlarının qazılması sahəsində yeniliklər, eləcə də geotermal enerjinin artan rolu mövzusunda müzakirələrə həsr olunub.
Rəy yaz