Gömrük işçiləri apreldə XTF iştirakçılarından leqal şəkildə 141,3 mln manat toplayıb

Bu ilin dörd ayında Gömrük Komitəsi dövlət büdcəsinə 483 mln 252 min manat təmin edib. Bu, 2014-cü ilin 4 ayındakından 4,1% çoxdur. 

DGK-nın məlumatına görə, apreldə 141,3 mln manat gömrük vergisi və rüsumu toplanılıb. Bu, 2011-ci ilin dekabrından bəri (170,7 mln manat) ən yüksək göstəricidir.

Gömrükçülər bu il dövlət büdcəsinə 1 mlrd 590 mln manat təmin edib. Bəzi analitiklər bir çox ölkələrlə idxal-ixrac əməliyyatları göstəricilərindəki fərqə əsaslanıb hesab edirlər ki, DGK hər il qeyri-leqal mal idxalından 1-1,5 mlrd manat mənimsəyir. 

Xarici ticarət fəaliyyəti iştirakçıları bildirir ki, hökumət korrupsiya ilə mübarizədən danışsa da, gömrük ən çox korrupsiyaya uğramış dövlət strukturlarındandır. Son illər xarici ticarət fəaliyyəti sahəsində qanunvericilik və gömrük prosedurlarında cddi dəyişiklik olub. Malların gömrük sərhədindən keçməsi mexanizmi avtomatlaşdırılıb. Amma sahibkarlar idxal və ixracda çox sayda əngəllərdən şikayət edir.

«Firmamız avtonəqliyyat üçün vasitələr idxal edir. Rüşvət almaq üçün mal günlərlə gömrük postunda saxlanılır. İxraçatçı ölkə və yerli müstəqil laboratoriyadan keyfiyyət sertifikatı olsa da, gömrük laboratoriyası malı keyfiyyətsiz adlandırır. Bu maneələri keçəndən sonra malı naməlum şirkətin adına sənədləşdirməyi tələb edirlər, bütün gömrük xərclərini biz ödəyirik», deyə firmaların birinin nümayəndəsi bidlrir. 08B