Həyat sığortasının xüsusi çəkisi artır

Maliyyə Nazirliyi yanında Dövlət Sığorta Nəzarəti Xidməti yanvar-may aylarında toplanmış tədiyələr və sığorta halları üzrə ödənişlərə dair hesabatı açıqlayıb. Sığorta bazarının iştirakçılarının ümumi tədiyə yığımı 207,63 mln. təşkil  edib, 74, 54 mln. manat ödənilib (35,9% nisbətdə). 2013-cü ilədək sığortaçıların 20%-dək ödəniş etdiklərini nəzərə alsaq bu, pis nəticə deyil.

Həyat sığortası üzrə üç yerli şirkətin yükü artır. Belə ki, onlar iyunun 1-i üçün ümumi yığımların 27,61%-ni formalaşdırıblar (57,33 mln. manat), ödənişlər 37,74% təşkil edib (25,15 mln. manat). Bu da irəliyə doğru addımdır. Əvvəllər bu seqmentdə ödənişlər 5%-dən 10%-dək təşkil edirdi. Bir səbəb də yerli şirkətlərin Avropa ölkələri şirkətlərinə  bənzəmək istəməsidir. Burada həyat sığortasının xüsusi çəkisi 60%-dək təşkil edir.

Ənənəyə görə, burada  “Pasha Hayat Sigorta” şirkəti (29,45 mln.) liderlik edir. Sonra “Ateshgah Hayat Sigorta” (18,5 mln.) və “Qala Hayat Sigorta” (9,38 mln.  manat).

Ödənişlər məsələsində isə əksinə - “Qala Hayat Sigorta” (15,32 mln. manat) liderlik edir. Onun ardınca “Ateshgah Hayat Sigorta” (5,52 mln.) və “Pasha Hayat Sigorta” (4,31 mln. ) gəlir.

Həyat sığortasına aidiyyatı olmayan şirkətlər 150,3 mln. manat (ümumi göstəricinin 72,39%-i) toplayıblar, ödənişlər 49,39 mln. manat təşkil edib (bütün ödənişlərin 62,26%-i).

Bu seqmentdə sığortaçılar beşliyinin payına  95,35 mln. manat, ikinci beşliyin payına 35,13 mln. manat düşüb.

Lider yenə də Pasha Sigortadır (35,95 mln.manat). Sonra Ateshgah (19,84 mln.manat), Azersigorta (16,23 mln.manat ), Azsigorta (14,18 mln. manat) və Meqa Sigorta (9,15 mln. manat) gəlir. Onların hamısı İcbari Sığorta Bürosunun üzvləridir və məmur-oliqarx biznesinə bağlıdırlar.

Şərti desək, ikinci beşliyə Silk Way Insurance (8,61 mln. manat), Standard Insurance (8,37 mln. manat), AXA MBASK (7,53 mln. manat), Beynəlxalq Sığorta Şirkəti (6,27 mln. manat), həmçinin Ata Insurance (4,29 mln.manat) daxildir.

Xatırladaq ki, yerli bazarın həcminin böyük hissəsini adı çəkilən 13 sığortaçı formalaşdırır.

Ödənişlər üzrə “Qala Hayat Sigorta” gəlir (15,32 mln. manat). İkinci yerdə “Pasha Sigorta” (11,55 mln.manat), üçüncü yerdə “Ateshgah” (6,35 mln. manat) gəlir. --17D—