Hökumət dərmanların qiymətinin tənzimlənməsinin başa çatdığını bildirir

2016-cı il 30 iyun tarixində Tarif (qiymət) Şurasının növbəti iclasında daha 2557 dərman vasitəsinin qiyməti təsdiqlənib.

Beləliklə, ümumilikdə dərman vasitələrinin ticarət adı, təsiredici maddəsinin adı, dozası, farmasevtik forması, ticarət qablaşdırması, qablaşdırma miqdarı, istehsal ölkəsi nəzərə alınmaqla 9632 dərman vasitəsinin və ya dövlət qeydiyyatından keçən dərman vasitələrinin 99%-nin topdan və pərakəndə satış qiyməti təsdiq olunub.

İqtisadiyyat Nazirliyi mətbuat xidmətinin məlumatına görə, 7300 dərman vasitəsi təsdiq edilmiş qiymətlərlə artıq satışdadır, digər 2332 dərman vasitəsinin yeni qiymətləri isə bu ilin sentyabr ayının 1-dən qüvvəyə minəcək.

Ümumən dərman vasitələrinin 90%-nin  qiymətləri 2015-ci ilin iyulunda dövlət tənzimlənməsi başlayana qədər olan qiymətdən ucuzdur. TŞ bildirir ki, onların 29%-nin qiyməti mövcud qiymətlərlə müqayisədə 2 dəfədən çox, 11%-nin qiyməti 3 dəfədən çox endirilib.

Amma ictimaiyyət bu informasiyalarla tam razı deyil. Əksinə dərmanların bahalandığı bildirilir. Məsələn, bakılı Həmid Rəhimov qeyd edir ki, əvvəllər o,  Karum Sanovelin (ürək-damar xəstəliyi dərmanı) həbini 25 manata alıb, indi bu dərman 9 manata satılır. Sumqayıtlı Teymur Hacıyev ötən il Tripliksam həbini (təzyiqi azaldır) 12 manata alıb. Tənzimləmədən sonra bu dərman 26 manat 42 qəpiyə satılır. Sənan Atayev Kamaqra həbləri (ereksiyanı artırır) istifadə edir. Bu həblər 1,50 manatdan 1,71 manata bahalanıb. 08B