![Hüquqi şəxslərin heç də hamısının borcu dövlət zəmanətində olmayacaq](https://turan.az/resized/./turan-750-500-resize.webp)
Hüquqi şəxslərin heç də hamısının borcu dövlət zəmanətində olmayacaq
Yeni qaydalara əsasən, dövlətə məxsus hüquqi şəxslərin heç də hamısının kredit və borclarının dövlət zəmanəti olmayacaq.
Turan-ın məlumatına görə, prezident İlham Əliyevin dövlətə məxsus hüquqi şəxslərin xarici və daxili borcları ilə bağlı təsdiqlədiyi qaydalarda qeyd olunub ki, səhmləri, yaxud pay iştirakının 51%-i dövlətə məxsus olan sığorta şirkərləri, banklar, bank olmayan kredit təşkilatları istisna olmaqla dövlətə məxsus digər hüquqi şəxslərin kredit yaxud borc almaq prosesi prezidentin 2006-cı ilin fevralın 13-ü tarixli ““Dövlət zəmanəti ilə alınan kreditlərə dair sazişlərin bağlanması qaydaları haqqında” fərmanı ilə tənzimlənir.
Qaydalara əsasən, dövlətə məxsus hüquqi şəxslər hər il iyunun 1-ə qədər Maliyyə Nazirliyinə gələn il üçün kredit razılaşmaları ilə bağlı planları barədə məlumat verməlidir. Nazirlik isə 30 gün ərzində məlumatı təhlil etməlidir.
Borcalmaların ümumi məbləğinin ölkənin növbəti il üzrə proqnozlaşdırılan makroiqtisadi və digər maliyyə, borc dayanıqlığı göstəricilərinə, o cümlədən ÜDM-ə nisbəti, borca xidmət xərclərinin büdcə xərclərinə nisbəti, valyuta məzənnəsi nəzərə alınaraq, borcalmanın yuxarı həddinə dair təkliflər hazırlanmalı, borcalmanın yuxarı həddində nəzərə alınan investisiya layihələri İqtisadiyyat Nazirliyi ilə razılaşdırılmaqla Nazirlər Kabinetinə təqdim edilməlidir.
Nazirlər Kabineti ölkə Prezidenti ilə razılaşdırmaqla cari il sentyabrın 15-nə qədər növbəti il üçün dövlətə məxsus olan hüquqi şəxslərin borcalmasının yuxarı həddini, milli valyuta ilə müəyyən etməlidir.
Maliyyə Nazirliyi hər il yanvarın 30-na qədər dövlətə məxsus olan hüquqi şəxslərin əvvəlki il üzrə borcalmaları və borcalmanın yuxarı həddinə əməl edilməsi vəziyyəti barədə məlumatları Nazirlər Kabinetinə təqdim etməlidir. --71D--
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz