- İqtisadiyyat
- 9 Sentyabr 2015, 14:57
- 155
I yarımildə Petkim-in xalis gəlirləri $77 mln olub
Bu ilin 6 ayında Petkim kompleksinin xalis gəlirləri 232 mln türk lirəsi ($77 mln) olub. Bu barədə SOCAR-ın saytında məlumat verilir.
Dövlət Neft Şirkətinin prezidenti Rövnəq Abdullayev, SOCAR-ın vitse-prezidentləri Süleyman Qasımov, Elşad Nəsirov, Bədəl Bədəlov, Sərmayələr İdarəsinin rəisi, “SOCAR Türkiyə” İdarə Heyətinin sədri Vaqif Əliyev, İzmirin Əliağa bölgəsində Petkim yarımadasında həyata keçirilən investisiya layihələrinin gedişi ilə maraqlanıb.
“SOCAR rəhbərliyinə 30 faiz tikinti işləri yekunlaşmış STAR Neft Emalı Zavodu, oktyabr ayında birinci fazası yekunlaşacaq Petlim Limanı və cari ilin ilk 6 ayında xalis gəliri 232 milyon Türk lirəsi həcmində olan “Petkim”lə əlaqədar təqdimatlar nümayiş etdirilib”, deyə məlumatda bildirilir.
R.Abdullayev qeyd edib ki, ''Petkim” neft-kimya kompleksində ilin birinci yarısı olduqca müsbət göstəricilərlə yekunlaşıb, məhsuldarlıq yüksək səviyyəyə çatıb. SOCAR prezidenti Petlim Limanının yaxın vaxtlarda istismara başlayacağına əminliyini bildirib və qeyd edib ki, bu layihədə zaman faktorundan səmərli yararlanmaq bizim üçün mühüm nailiyyətdir.
Təqdimatlardan sonra R.Abdullayev və onu müşayiət edən Şirkət rəhbərliyinin nümayəndələri STAR Neft Emalı Zavodunun laboratoriya binasının təməlqoyma mərasimində iştirak ediblər. Mərasimdən sonra SOCAR rəhbərliyi liman sahəsində tikilən 300 metr uzunluğundakı dalğaqırana və 700 metr uzunluğundakı bərəyə baxış keçiriblər.
* SOCAR Turkey Enerji Petkim Petrokimya Holding-in səhm nəzarət paketinin (57,92%) sahibidir. SOCAR bu şirkətin səhm nəzarət paketini (50%+ 1) 2008-ci ildə alıb. O vaxt bu məqsədlə 2 mlrd 50 mln dollar ödəyib. Sonra paketin 62%-ə çatdırılması üçün 168 mln ödəyib. Bu yaxınlarda 2% səhm satılıb. SOCAR Petkim səhmlərinə görə ödənişlərin hamısını həyata keçirib.—0--
-
- İqtisadiyyat
- 9 Sentyabr 2015 14:55
-
- İqtisadiyyat
- 9 Sentyabr 2015 15:00
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz