İflasa uğrayan bankların əmanətçilərinə kompensasiya verilməsi davam etdirilir
İflasa uğrayan “Bank of Azerbaijan”, “Gəncəbank” və “Texnikabank”ın qorunan əmanətlərə malik olan əmanətçiləri ümumilikdə 49,561 mln. manat məbləğində kompensasiya alıblar.
Əmanətlərin Sığortalanması Fondunun (ADIF) məlumatına görə, yanvarın 29-dan etibarən bankda qorunan əmanətləri olan şəxslərə kompensasiya ödənişinə başlanılıb. Bu prosesdə agent bank rolunda “Muğanbank” və “Rabitəbank” iştirak edir. Bu bankların 6,6 min əmanətçisi ümumilikdə 21,825 mln. manat məbləğində kompensasiya alıb.
Fevralın 4-dən “Gəncəbank”ın əmanətçilərinə 636 min manat məbləğində kompensasiya ödənilib, 12 fevraldan “Texnikabank”ın əmanətçiləri ümumilikdə 27,1 mln. manat məbləğində kompensasiya alıblar. Bu prosesdə agent bank rolunda “Muganbank”, “Rabitəbank”, “Kapital Bank” və “Unibank” çıxış edir.
Xatırladaq ki, “Texnikabank” ASC-nin qorunan əmanətlərə malik olan əmanətçilərinə veriləcək kompensasiyaların ümumi məbləği 123 mln 166,426 min manat təşkil edir. 20,34 min əmanətçi kompensasiya alacaq.
Qorunan əmanəti olan əmanətçilərin əmanətlərinin 30 min manata qədər olan hissəsi kompensasiya edilir.
Azərbaycan Mərkəzi Bankı bu qərarı bankların məcmu kapitalın minimum məbləği tələbinə əməl etməməsi (50 mln manat), kreditorları qarşısında öhdəliklərini icra edə bilməməsi, cari fəaliyyətini etibarlı və prudensial qaydada idarə etməməsinə görə qəbul edib.
ADIF 2006-cı il dekabrın 29-da qəbul olunmuş “Əmanətlərin sığortalanması haqqında” qanunun əsasında yaradılıb. Fevralın 1-dən əmanətlər üçün 12%-lik faiz üst həddi ləğv edilib. Qorunan əmanəti olan əmanətçilərin əmanətlərinin 30 min manata qədər olan hissəsi kompensasiya edilir. --17D—
-
- Cəmiyyət
- 22 Fevral 2016 19:03
-
- İqtisadiyyat
- 23 Fevral 2016 10:31
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz