İlham Əliyev Azərbaycanın boru kəməri layihəsində əlverişli şərtlərə nazil olması haqqında

Çox gərgin və aktiv fəaliyyətdən sonra “Cənub qaz dəhlizi” layihəsinə başladıq. Prezident İlham Əliyev Nazirlər Kabinetinin ötən ilin yekunlarına həsr edilmiş yığıncağında belə deyib, deyə president.az saytı bildirir.

“Əgər Azərbaycanın güclü iradəsi olmasaydı, bu layihə həyata keçməzdi”, - deyə İlham Əliyev qeyd edib. 

“Azərbaycan “Cənub qaz dəhlizi” layihəsinin müəllifidir. Layihənin hərəkətverici qüvvəsi də Azərbaycandır”.

İlham Əliyev qeyd edib ki, ötən ilin sentyabrında “Cənub qaz dəhlizi”nin təməli qoyulub.  “Э Bu, tarixi hadisədir. Bu layihə bizim uzunmüddətli inkişafımızı daha da sürətləndirəcək. Bu layihə “Əsrin müqaviləsi”nə bərabər olan bir layihədir. Artıq bu layihəni XXI əsrin layihəsi adlandırırlar”, deyə dövlət başçısı bildirib.

Sonra o deyib ki, “ Biz buna Azərbaycan üçün ən məqbul şərtlərlə və beynəlxalq əməkdaşlıq çərçivəsində nail ola bilmişik. Çünki bizim tərəfdaşlarımız olmadan bu layihə icra edilə bilməz. Ona görə bu layihə daha da böyük koordinasiya tələb edir”.

Onun sözlərinə görə, Bakı-Tbilisi-Ceyhan layihəsinin icrasında üç ölkə - Azərbaycan, Gürcüstan, Türkiyə iştirak edirdisə, Cənub” qaz dəhlizinin icrasında 10-a yaxın ölkə iştirak edəcək.

“Bu, tarixi hadisədir və Azərbaycan liderlik keyfiyyətlərini bu sahədə də göstərib”, - deyə o qeyd edib.

“Ölkəmizin siyasi, iqtisadi maraqları təmin ediləcəkdir. Azərbaycan Avropa istehlakçıları üçün əvəzedilməz ölkəyə çevrilir. Bu nə deməkdir? Bunu çox izah etməyə də ehtiyac yoxdur. Biz Avropanın enerji təhlükəsizliyinin təmin edilməsində öz rolumuzu oynayırıq və getdikcə bu rol artacaq. Çünki Avropa üçün yeganə yeni qaz mənbəyi Azərbaycandır. Bütün başqa mənbələr - onlar artıq var. O mənbələrin ehtiyatlarını müxtəlif yollarla, yəni, yeni yollarla Avropaya nəql etmək mümkündür. Biz bu məsuliyyəti öz üzərimizə götürmüşük. Əminəm ki, bu layihəni də uğurla icra edəcəyik. Çünki bu günə qədər bir dənə də layihə olmamışdır ki, biz onu başlayaq və icra etməyək. Həm Bakı-Tbilisi-Ceyhan, Bakı-Tbilisi-Ərzurum, həm də Bakı-Tbilisi-Qars, yəni, beynəlxalq layihələrdən söhbət gedir. Əminəm ki, “Cənub” qaz dəhlizi də tam şəkildə icra ediləcək”, - deyə İlham Əliyev bildirib.

* “Şahdəniz-2” layihəsinin qiyməti $28 mlrd-dır. Layihə çərçivəsində çıxarılacaq qazın 10 mlrd m3-i Avropaya, 6 mlr m3-i Türkiyəyə veriləcək. “Cənub qaz dəhlizi”nin təməli 20 sentyabr 2013-cü ildə qoyulub. 3600 km uzunluğunda infrastruktur 3 layihəni əhatə edir (“Cənub qaz dəhlizi”nin genişləndirilməsi, TANAP və TAP). –12D--