“Charlie Hebdo redaksiyasına hücum mənim kimi Avropada müsəlmanların xristianlarla dinc yanaşı yaşamasının mümkünlüyünü düşünənlərə zərbədir”, - türk yazıçısı, ədəbiyyat üzrə Nobel mükafatçısı Opxan Pamuk The Times jurnalında dərc olunan məqaləsində biıldirib. Onun fikrincə, bu hücüm bu cür dinc yanaşı yaşamaya olan ümidləri məhv etmək cəhddir.
Söz azadlığının təhlükədə olduğu ölkələrdə güclü satirik jurnal ənənəsi var. Türkiyədə belə jurnallar daim təzyiq altındadır. Yazıçının sözlərinə görə, hazırda Türkiyədə çoxları fransızların hiddətini və çaşqınlığını bölüşür.
“Söz azadlığını təkcə yazıçılar qorumamalıdır. Bu, bizim hamımızın borcudur, mədəniyyətimiz və yaşadığımız mühit haqqında dünyaya xəbər çatdırmaq borcudur. Biz ayağa qalxmalı və söz azadlığını müdafiə etməliyik”, -O.Pamuk yazıb.
“Əminəm ki, Avropa tələyə düşməyəcək, dərhal öz qəzəbini bütün müsəlmanların üstünə tökməyəcək. Ümidvaram ki, bu amansız hücumların eskalasiyası olmayacaq, lakin ümumən eskalasiya olacağından ehtiyat edirəm”, - yazıçı vurğulayıb.-02D-
Mədəniyyət
-
Azərbaycanda elektron musiqi səhnəsi son illərdə canlansa da, bu sahədə qadın DJ-lərin sayı hələ də məhduddur. Musiqi sənayesində öz yerini tutmaq istəyən qadınlar təkcə texniki bacarıqları ilə deyil, həm də cəmiyyətin onlara biçdiyi rollarla və gender balanssızlığı ilə mübarizə aparmalı olurlar.
-
Dünyada dayanıqlılıq təşəbbüsləri sürətlə artarkən, Avropa İttifaqının "Yaşıl Gələcək 2025" müsabiqəsi Azərbaycanda gənc innovatorlar üçün ekoloji problemlərə biznes yönümlü həllər təqdim etməyə imkan yaradan bir platformaya çevrilib. Bakıda keçirilən bu müsabiqənin dördüncü buraxılışı Azərbaycanlı gənclərin yaşıl innovasiyalara bağlılığını və yaradıcılığını nümayiş etdirdi, Avropa İttifaqının genişmiqyaslı "Planetimiz naminə" kampaniyasına töhfə verdi.
-
Sənət mübadiləsi və mədəni diplomatiyanın bir bayramı olaraq, Bakıda Ambassador Cultural Club-da “Azərbaycanlı rəssamların gözü ilə Macarıstan” layihəsinin üçüncü mərhələsi çərçivəsində Macarıstanın ənənələrindən və mədəni irsindən ilhamlanan rəsm əsərlərinin sərgisi təqdim edilib. Azərbaycan Respublikasındakı Macarıstan səfirliyi və müstəqil incəsənət platforması «Arts Council Azerbaijan» tərəfindən təşkil olunan bu təşəbbüs iki ölkə arasında sənət və mədəniyyət sahəsində əlaqələrin dərinləşməsinə töhfə verir.
-
Ahmet Güneştekin İstanbul Bələdiyyəsi Feshane Mədəniyyət Mərkəzinin 8 min kvadratmetrlik qapalı salonlarında açılan “İtmiş Əlifba” fərdi sərgisindən bir neçə gün sonra Turan İnformasiya Agentliyinin suallarını cavablandırdı. İstanbulun bələdiyyə sədri Ekrem İmamoğlunun açdığı sərgi 20 iyula qədər açıq olacaq.
Rəy yaz